Lopetegui: Modriç nuk largohet, Juvja ‘mretëresha’ e merkatos

Lopetegui është i qetë, Reali i Madridit nuk komenton, por ndërkaq menaxherët e Modriç vazhdojnë bisedimet me Interin. Ujërat përreth mesfushorit kroat janë të turbullt dhe mbi të ardhmen në Madridit ka më shumë se një dyshim, mes paktit të aluduar me Perezin dhe dëshirën për t'u bashkuar me bashkëkombësit kroatë. Heshtja e lojtarit po mban me shpresë popullin zikaltër ( dhe atë "merengues"), por dita e së vërtetës do koincidojë me takimin ballë për ballë me Florentino Perezin, i fiksuar për datën 8 gusht. TRAJNERI

Luçiano Spaleti ka të drejtë të ëndërrojë më shumë se kurrë. Por për sa i përket homologut të tij te Reali, Hulen Lopetegui, kroati nuk lëviz. "Besim", e më pas "i jashtëzakonshëm". Me dy fjalë spanjolli ka ngritur në piedestal Modriçin. "Presidenti u përgjigj shumë qartë, ndaj nuk kam çfarë të shtoj më tepër mbi këtë temë, - tha trajneri i 'Los Blancos'. - Është një lojtar i madh dhe po e presim krahëhapur". REAL-JUVE Lopetegui, në fund të konferencës, është shprehur edhe mbi ndeshjen kundër Juventusit (startoi në mesnatën mes datës 4 dhe 5), e fituar me rezultatin 3-1 nga madrilenët. "Jam i lumtur për rezultatin, që megjithatë ka një rëndësi minimale në fazën përgatitore, nuk është thelbësor. Normalisht, gjithmonë është më mirë të fitosh se të humbasësh. Në humbjen kundër Junajtid pashë disa aspekte pozitive, që u panë edhe sot ( dje). Skuadra po bën hapa përpara, megjithatë ka ende shumë gjëra për t'u përmirësuar. Juvja? Klubi me merkaton më të mirë, u ngritën në skenën ndërkombëtare dhe janë përpara në përgatitje, pasi kanë zhvilluar pesë ndeshje". PRITET TAKIMI Nënkampioni i botës pritet në "Valdedebas" pas pushimeve post- Botërorit për të nisur përgatitjen e sezonit të ri me Realin, por rreth tij qëndron një hije dyshimi e "krijuar" nga menaxherët e lojtarit. "Modriç po ngul këmbë", ishte titulli i "As", e përditshmja spanjolle gjithmonë e mirinformuar me lajmet rreth Realit, "menaxherët e tij po vazhdojnë kontaktet me Interin dhe ai kërkon të takohet me Perezin". Tema e bisedës është e ditur: përflitet për një premtim, një pakt mes "gentlemen"-ësh si me Kristiano Ronaldon. Në këto raste duhet folur në kushtore, por nëse vetë Modriç do i kërkojë Perezit largimin, do ndodhë me të tjera terma krahasuar me klauzolën. Pikërisht këtu është synimi i Interit, por edhe i menaxherëve të kroatit, me faktin që Luka nuk e ka mohuar dëshirën për të ndryshuar ambient. Strategji apo dëshirë, kjo mbetet për t'u parë.