Modriç në Madrid, Interi i garanton edhe “pensionin”
Kinezët do t'i ofronin kroatit "pensionin" te Jiangsu
Në një dorë orën e kal endarin, në tjetrën telefonin. Janë ditë merkatoje më të çuditshme se zakonisht. Koha kalon dhe ngushtohet, në varësi të kampionateve. Dikush nxiton të mbyllë marrëveshjet që pret prej kohësh e të tjerë presin momentin e duhur për të dhënë goditjen finale. InterModriç është një operacion ende i mundshëm, megjithëse i ndërlikuar. Perisiç larg Milanos është një hipotezë, e hapur më së shumti nga fjalët e vetë kroatit.
"DITA X" - Duke nisur nga siguritë: nesër, më 9 gusht, mbyllet merkatoja për klubet e Premier Ligës. Nëse Mançester Junajtid do hidhej në sulm për Perisiçin, pra, duhet të përshpejtojë ritmin. Në Itali ka më shumë kohë, mbyllet të premten 17 gusht, në 20:00. Ndaj Interi pret. Në krahun tjetër pret edhe Reali i Madridit, gati të bisedojë me Modriçin: dje pasdite mesfushori ka zbarkuar në Milano, me siguri do i bashkohet grupit nesër. Nuk duhet harruar që e mërkura është "dita X": lojtari do ketë një takim ballë për ballë me Florentino Perezin. Në Madrid po tentojnë ta mbajnë me çdo kusht: fillimisht vetë numri një i "Los Blancos" duke nxjerrë në lojën klauzolën 750 milionëshe, e më pas Lopetegui. Ndërsa menaxherët e mesfushorit, me në krye Pedrarg Mijatoviçin, po tentojnë me çdo kusht që të materializohet kalimi tek Interi. Zikaltrit, në rast se Modriç do arrijë të bindë presidentin madrilen për ta lënë të lirë, janë menjëherë të gatshëm të gjejnë akordin për transferimin: kontratë katërvjeçare për 10 milionë euro neto në sezon, kartoni do diskutohet me Realin (huazim prej rreth 15 milionësh, 150- 160 milionë bruto shifra totale e operacionit).
"PENSION" NË KINË - Por, ka edhe një të re: Interi do luante kartën "Kinë". "Suning", në fakt, do ishte gati të përdorte Modriçin si imazh për merkaton kineze dhe do i garantonte edhe një aventurë futbollistike te Jiangsu në fund të eksperiencës tek Interi. Për momentin mbeten hipoteza. Ndërsa në Spanjë, në rast largimi të Modriç, do kishin kohë të gjenin edhe zëvendësuesin, nga fakti se merkatoja e La Liga-s është hapur deri më 31 gusht. Emrat e kandidatëve janë të mirënjohur: Pjaniç, MilinkoviçSaviç, Verrati mbi të gjithë. Fillimisht, në çdo rast, duhet pritur takimi ModriçFlorentino. Gjithmonë në pritje të një vendimi të Perisiçit.