Nojer: Duam Superkupën

"Trajneri po punon mirë dhe jemi të fokusuar në detyrat që na jep"

Bavarezët fituan të di elën në mbrëmje për ballë publikut të "Allianz Arena" me një lojë bindëse ndaj një kundërshtari shumë të fortë si Mançester Junajtid. Skuadra e Niko Kovaç ishte kopja e dy ndeshjeve të fundit në turneun amerikan. Por kësaj here më e kujdesshme në mbrojtje duke mos i lënë shumë hapësira skuadrës angleze që rrezikoi shumë pak, për të mos thënë fare portën e Nojerit. Portieri i kombëtares gjermane shfaqi shumë siguri midis shtyllave dhe kjo ka ngrohur shumë tifozët bavarezë, që nuk do t'u duhet të frikësohen më nga gafat e portierit Ulraish.

GATI PËR SUPERKUPËN Ndeshja e parë zyrtare do të luhet më 12 gusht ndaj Frankfurtit. Ish-skuadra e trajneri Niko Kovaç do të kërkojë të përsërisë suksesin si në finalen e Kupës së Berlinit. Por Bajerni mbetet favorit, kjo për shumë arsye. Skuadra ka uri dhe lojtarët duan të hakmerren ndaj frankfurtasve për atë humbje në fund të sezonit. Skuadra është e plotë dhe i vetmi lojtar që është në dyshim është mbrojtësi Zherom Boateng që mund të transferohet në Mançester nëse palët bien dakord me njëra-tjetrën. Kapiteni i Bajernit, Manuel Nojer, ka komentuar në lidhje me këtë trofe duke theksuar faktin se sa i rëndësishëm është. "Superkupa është një trofe që nuk duhet nënvlerësuar. Kërkojmë ta fillojmë sezonin në rrugën e duhur. Jemi kampionë të Bundesligës dhe si të tillë duhet të sillemi edhe në fushën e lojës. Trajneri po punon shumë mirë dhe ka kërkuar nga ne të jemi të fokusuar gjatë kohës kur stërvitemi", u shpreh Nojer. Portieri i kombëtares

gjermane qëndroi sezonin e kaluar për më shumë se 9 muaj jashtë fushave, pasi pësoi një dëmtim në krah në fillim të kampionatit. Gjithsesi, ai arriti të rikuperohej në kohë për të qenë në formacionin e "Pancerave" gjatë Botërorit në Rusi.