Festival golash, Vora shkatërron Ilirinë

Në kuadër të përgatitjeve të fazës përgatitore, Iliria ka zhvilluar miqësoren e parë ndaj debutuesve në Kategorinë e Parë, Vorës. Dhe starti ka qenë shumë negativ për fushë- krujasit që janë mundur me rezultatin 5-2. Një takim që ka prodhuar emocione dhe spektakël ku vetëm në pjesën e parë janë shënuar pesë gola. Loja ka nisur më mirë për miqtë ku në minutën e 7-të, Mziu kalon Vorën në avantazh pas një shpërqendrimi të mbrojtjes vendëse. Miqtë kontrollojnë lojën dhe në minutën e 24-t, Myslymi me kokë dyfishon rezultatin. Pas golit të dytë janë vendësit që reagojnë menjëherë. Dhe fushëkrujasit ia dalin të barazojnë rezultatin brenda dy minutash me anë të Xhaferit dhe Doçit. Fraksioni i dytë nis me zëvendësime, por miqtë janë më të koncentruar në lojën e tyre. Vendësit ushtrojnë presion, por u mungon saktësia përpara portës dhe në këtë mënyrë e kanë të vështirë të shënojnë. Trajneri Fatmir Sala i provon të gjithë lojtarët, por nuk vjen rezultati në fushë. Miqtë luajnë më mirë dhe arrijnë të shënojnë edhe 2 gola të tjerë në minutat e fundit me anë të Demit dhe Melanit. Me fitoren 5- 2 për Vorën mbyllet edhe miqësorja përballë Ilirisë. Vorakët tregojnë edhe një herë se do të jenë një kockë e fortë për të gjitha ekipet në kampionatin e ardhshëm në Kategorinë e Parë. Shkëlqim Hasani

Xhaferi 26', Doçi 27'/ Mziu 7', 32', Myslymi 24', Ademi 90', Melani 90+1'

Ujka, Sala, Gjokeja, Selmani, Turkaj, Kurti, Doçi, Xhaferri, Zuna, Bardhi, Xhabrahimi. (

Baku, Tadiong, Paplekaj, Lama, Vllacaj, Kruta, Masha). Trajner: F. Sala

Sula, Mashi, Dimo, Peqini, Gjonaj, Isaj, Murataj, Ferra, Sejdini, Mziu. (

Demollari, Metani, Baholli, Gjeti, Hyseni, Roshi, Nuri, Tavani, Pinari, Melani). Trajner: G. Çani

E.Burgu, O.Loci,

J.Burgu