Vjen Mustafa, Behari nxjerr blof Idrizin për të huajt

Argjend Mustafa, te Flamurtari. "Panorama Sport" mëson se mesfushori kosovar i është bashkuar dje Flamurtarit në Greqi, ku ekipi po zhvillon fazën përgatitore verore. Ka qenë vetë trajneri Ilir Daja, ai që e ka sjellë në ekip Argjend Mustafën për shkak të njohjes së tij të vjetër. Në sezoni 2012-2014, trajneri Daja e ka pasur Mustafën te Besa dhe Tirana dhe i njeh aftësitë e tij, ndaj edhe e ka afruar te Flamurtari. Lojtari mbërriti dje në mëngjes në kompleksin në Karpenisi të Greqisë. Edhe pse ishte arritur akordi, Mustafa i është bashkuar me vonesë ekipit për shkak të vonesës në marrje të vizës, pasi siç dihet kosovarët udhëtojnë me vizë drejt vendeve të BE-së dhe në rastin konkret në Greqi. Trajneri Daja do të shikojë gjatë këtyre ditëve gjendjen e Mustafës, duke e provuar dhe pasi të bindet, lojtari mund të firmosë kontratën. Por, me shumë gjasa, Argjent Mustafa do të jetë lojtari i Flamurtarit në sezonin e ri futbollistik.

KARRIERA- Argjend Mustafa është 25 vjeç. Ai ka lindur në Vushtrri. Karrierën e tij e ka nisur në vendlindje te klubi Vushtrri dhe më tej ka kaluar te Prishtina. Në sezonin 20112012 është bërë pjesë e Trepçës. Në sezonin 20122014, Mustafa ka nisur karrierën e tij në Shqipëri, fillimisht te Besa e Kavajës. Në vitin 2014 ka qenë pjesë e Partizanit. Në sezonin 2015-2016 ka vijuar te Laçi dhe në sezonin 2016-2017 te Tirana, ndërsa në vitin e fundit ai fillimisht luajti me Kamzën dhe mbylli në Kosovë me Vushtrrinë. Mesfushori Argjend Mustafa tashmë pritet që të nisë një aventurë të re, në Vlorë te Flamurtari. Ermal Sika