Takaj: Osmanin nuk e tradhtova, i bëra ofertë të parit
"Na llogarisni për titull, jemi pretendentët kryesorë"
Sezon i ri dhe "zakon i vjetër". E tillë ka ni sur edhe këtë edicion historia e skuadrës korçare me trofetë. Presidenti i Skënderbeut, Ardjan Takaj, ka komentuar për "Panorama Sport", tripletën e fituar, deklaratat e Osmanit për "tradhti", situatën aktuale të ekipit si dhe objektivin: "Jemi pretendentët kryesorë për titull", shprehet me bindje kreu i skuadrës korçare. Ai ka edhe një premtim për qytetin, referuar edhe lajmeve që qarkullojnë për interesim të tij në lidhje me aksionet e Vllaznisë.
Sezoni nisi me kupë edhe pas riformatimit të skuadrës...
Nuk është se ka ikur i gjithë ekipi apo kanë ikur lojtarë të rëndësishëm të Skënderbeut. Në ekip kanë qenë edhe lojtarë të rinj me perspektivë, të cilët mbeten pjesë e kontingjentit dhe kanë kontribuar ndër vite. Ka momente të vështira në fillim sa të ambientohen lojtarët e rinj dhe i gjithë grupi. Merkato na lejon mundësi riparimesh deri më 31 gusht. Kemi edhe dy apo tre afrime të tjera për ta kompletuar skuadrën. E rëndësishme është që skuadra të vazhdojë me mentalitetin e fituesit dhe të jetë gjithmonë për të fituar çdo trofe. Historia e Skënderbeut ka nevojë për trofe, pasi është e gjatë dhe në vite i kanë munguar. Shpresojmë që të vazhdojmë të kompletojmë në
mënyrën më të mirë muzeun e Skënderbeut me të gjithë kupat.
Çfarë objektivash ka Skënderbeu këtë sezon?
Skënderbeu është po aty dhe është pretendent kryesor për titullin kampion. Ne shpresojmë që kampionati të jetë edhe më i fortë, por Skënderbeun duhet ta llogarisin si pretendent për kampion.
E para tripletë Skënderbeun...
Kjo është tripleta e parë për Skënderbeun dhe është viti më i suksesshëm sportiv i historisë së skuadrës dhe i futbollit shqiptar.
Çfarë po ndodh me përballjen
për
kundër UEFA-s?
Është çështje për të cilën ne po e ndjekim dhe po punojmë. Megjithatë, ajo nuk na pengon që të vazhdojmë kampionatin dhe historinë tonë në kampionatin shqiptar. Ne kërkojmë nga UEFA që të vazhdojmë të luajmë dhe të marrim pjesë në kupat e Europës. Kaq kërkojmë edhe në KAS!
Tefik Osmani është shprehur se ndihet i tradhtuar...
Osmani e ka thënë për momentin... Skënderbeu ka qenë ftesa e parë për të. Ai është i mirëpritur te skuadra, është nga lojtarët që ka kontribuar shumë dhe e respektoj shumë
për këtë gjë. Por, futbolli i tillë është dhe nuk ka pse të ndihet aspak i tradhtuar, pasi Osmani është respektuar nga stafi dhe të gjithë deri në fund. Megjithatë, le t'ia lëmë nervozizmit të Osmanit këtë që ka thënë.
Emri juaj është lakuar si një nga të interesuarit për Vllazninë...
Absolutisht jo! Unë kam lidhje vetëm me Skënderbeun dhe futbollin do ta mbyll vetëm me Skënderbeun. Nuk jam i interesuar për asnjë klub tjetër. Çdo gjë që flitet është thjesht thashethem marketingu dhe gazetaresk.