Zgjohet Dembele, i dhuron Barçës Superkupën
Sevija i tremb keq, por Pike dhe Dembele përmbysin
Në palmaresin mah nitës të Lionel Mesit, në një koleksion që deri dje numëronte 32 trofe të fituar me Barcelonën, në mesnatë "Pleshti" e rriti numrin personal në 33, një rekord absolut kjo për një futbollist të historisë katalanase, por në të njëjtën kjo, Superkupa e Spanjës, do të ketë një vend të veçantë për argjentinasin, duke qenë se ishte edhe trofeu i parë që e ngriti si kapiten i skuadrës. Finalja e luajtur në Marok përfundon 2-1 për Barcelonën, por Sevija mund të dalë me kokën lart, sepse nëse në disa raste shpërdori në mënyrën më të keqe të mundshme, si penalltia në minutën e 92-të nga Ben Jeder, në raste të tjera ishte traversa që e ndali. Dhe në fund, përmbysja e ofruar nga Pike dhe Dembele (Sarabria u dha andaluzianëve avantazhin në minutën e tetë) i garantojnë rekordin Mesit, por edhe i japin mundësinë Barcelonës që ta nisë me trofe sezonin e ardhshëm.
SARABIA DHE PIKE
Finalja e Superkupës së Spanjës nuk kishte dalë kurrë jashtë kufijve kombëtarë, por dje, përveç kësaj, një tjetër risi ishte edhe ndeshja e parë në futbollin spanjoll, e mbikëqyrur nga sistemi VAR. Nëse e gjithë turma e pranishme ishte e ekzaltuar për të parë Mesin në aksion, Sevija spostoi në pankinë blerjen e re, ish-milanistin Andre Silva. Por ajo që u kuptua shumë shpejt pas vërshëllimës së arbitrit ishte se në Marok do të shihej një ndeshje krejt tjetër nga finalja e Kupës së Mbretit, ku Sevija u mposht 5-0. Madje, andaluzianët kaluan shumë shpejt në avantazh, me Muriel që shërbeu në thellësi të zonës Sarabian dhe me të majtën nuk fal. Arbitri fillimisht anulon për pozicion jashtë loje, por VAR-i konfirmon golin. Gjithsesi, skuadra e Valverdes zgjohet pas kësaj goditjeje dhe reagon duke barazuar me Pikenë, i cili dërgon në rrjete një goditje dënimi të Mesit, që u përplas dy herë në shtyllë dhe në kurrizin e portierit shtyhet në rrjetë nga mbrojtësi. PREDHA E DEMBELESË
Në pjesën e dytë, Barça hedh në fushë Kutinjon, ndërsa Sevija përgjigjet me Andre Silvën. Nëse katalanasit kontrollojnë, rivalët janë vrasës në kundërsulm, por edhe të pafat me Vazkes që godet traversën. Nga ana tjetër, portieri Vaclik bën heroin duke ndalur Mes-
in, por nuk mund të bëjë asgjë, kur në të 79-ën, një predhë në hyrje të zonës e goditur nga Dembele. Gjithsesi, Sevija nuk dorëzohet, duke fituar një penallti në të 91-ën, por goditja e dobët e Ben Jeder bllokohet lehtë nga Ter Shtegen, i cili i lejon kapitenit të tij që të ngrejë mbi qiellin e Marokut Superkupën e Spanjës.