Tebas sulmon Interin, Juven e PSG-në: Përdorin truke, po drogojnë merkaton

Një sulm i rëndë. Aq sa do meritonte një replikë "institucionale". Sepse nuk ka folur dikush dosido, por presidenti i Ligës spanjolle, Havier Tebas. Akuzat i drejtohen PSG-së, por edhe Interit dhe në mënyrë jo aq të drejtpërdrejtë Juves. Me pak fjalë, numri një i futbollit iberik ndihet i kërcënuar nga klubet italiane sepse në merkato, sipas tij, përdorin mjete të pandershme. SULMI

"Duhet të mendojmë përse po ndodh kjo: përse Liga jonë po humbet 'yjet'", ka deklaruar në të përditshmen spanjolle "ABC". "Ekzistojnë klub- shtete që po influencojnë merkaton duke

marrë lojtarët që duan. Në disa skuadra po ndodhin gjëra të padëgjuara e që nuk duhet të ndodhin. I referohem PSG-së, por edhe Juves me blerjen e Kristiano Ronaldos dhe ofertës së Interit për Modriç: zikaltrit nuk kanë para për blerje, e më pas i propozojnë kroatit një shumë monstruoze

parash që vjen kushedi nga ku". Pra, një akuzë e drejtpërdrejtë, duke marrë në konsideratë që Tabas ka folur qartësisht për "trampas", truke, rrugë ilegale: "Për Juven nuk di të them, duhet hetuar mbi operacionin. Por për sa i takon Interit, oferta për Modriç ka me siguri mashtrim. E po ashtu PSG-ja me Nejmarin. Këto veprime gjenerojnë rrethana që destabilizojnë merkaton dhe tifozët spanjollë duhet të jenë në dijeni". POR…

Por, ka një precedent, mbi të cilin Tebas duhet të ketë diçka për të thënë: FIFA ka sanksionuar Atletikon e Madridit me 46.000 euro gjobë dhe paralajmërim, pasi përdori një fond të Katarit si palë të tretë për të paguar 7 milionë euro nga blerja e Çerçit, i blerë përgjysmë pikërisht nga kjo agjenci (pjesa tjetër u mbulua nga "Colchoneros"): gjoba përbën një përqindje shumë të ulët krahasuar me 7 milionë…