Priten edhe dy goditje në merkato

Trajneri Armando Cungu paralajmëroi pas ndeshjes ndaj Torpedos se pret ende afrime, në mënyrë që grupin ta ketë të kompletuar për kampionatin. Gazeta mëson se drejtori Nexhipi po negocion me një sulmues, i cili do të zëvendësojë Sebino Plakun e larguar. Për këtë të fundit klubi nuk bëri asnjë rezistencë, duke konfirmuar atë që është shkruar prej ditësh në gazetë. Synimi është që të afrohet një sulmues krahu, i cili mund të përshtatet si në të majtë, ashtu edhe në të djathtë. Cungu ka improvizuar në këtë rol brazilianin Uilliam Melo.