,hvendoset Egnatia, ekipi nis fazën në Pogradec
Nuk kanë fund surprizat tek Egnatia. Pas një muaji përgatitjesh në ambientet e stadiumit "Hasan Zyla", prej së shtunës ekipi u zhvendos në qytetin e Pogradecit për të vijuar fazën. Për "Panorama sport", shefi i klubit, Petrit Hazbiu, u shpreh se pas merkatos cilësore edhe grumbullimi në Pogradec do jetë një tjetër faktor pozitiv për rrogozhinasit. "Përgatitjet tona do të vazhdojnë në Pogradec për disa ditë. Kemi grumbulluar të gjithë lojtarët që janë pjesë e jona dhe akomodimi do të bëhet në një prej hoteleve që na krijon kushtet e duhura për t'u stërvitur. Gjithçka u vendos pas një takimi që kisha me kryebashkiakun Reqir Nuredini. Nga ana e tij u bë e ditur se mbështetja financiare do jetë gjithmonë e garantuar, në mënyrë që skuadra të jetë sa më e përqendruar në këtë fazë përgatitjesh dhe për një sezon pozitiv në çdo aspekt. Deri tani kemi afruar disa futbollistë me përvojë, që na plotësojnë reparte të ndryshme e na bëjnë më të fortë në rrugën tonë drejt suksesit", përfundoi Hazbiu. Aldo -uzi