Cikalleshi tremb Kombëtaren, mungon në humbjen e Osmanlisporit

Mallkimi i dëmtimeve është ulur "këmbëkryq" në Kombëtaren shqiptare. Si të mos mjaftonte dëmtimi i Sadikut që do të qëndrojë disa muaj jashtë apo edhe mosrikthimi i Eros Grezdës për t'u stërvitur plotësisht me Osijek, Panuçi do të ketë një sy edhe në Turqi. Ditët e fundit, bomberi i kuqezinjve nuk ka punuar me skuadrën. Nga mediat pranë Osmanlispor është bërë me dije se Sokol Cikalleshi është stërvitur veçmas skuadrës gjatë pasdites së të enjtes dhe të premtes, ndërkohë që dje ka munguar në skuadër për përballjen kundër Giresunsporit që ka fituar 01. E gjithë kjo ngre jo pak alarm për Kombëtaren, pasi do të humbiste shërbimet e një bomberi dhe alternativat për muajin shtator do të reduktoheshin ndjeshëm. Mbetet për t'u parë në ditët në vijim se cila do të jetë situata e Cikalleshit.