! " #$
Klaudio Markizio është një lojtar i lirë, tashmë që ka prishur konsensualisht kontratën e tij me Juventusin dhe mund të zgjedhë klubin që ai mendon. Pas zërave që flisnin për oferta nga Kanadaja, por edhe ato franceze të Nisës e Monakos, dje kanë dalë zëra në lidhje me një ftesë të mundshme të Xhanluixhi Bufonit, me kërkesë të drejtuesve të tij, që Markizio t'i bashkohet portierit në radhët e PSG-së. Por, edhe në Spanjë ka gjithashtu lëvizje të mëdha, duke qenë se emri i 32-vjeçarit nuk ka vonuar që të ndezë një derbi në merkato mes Sevijës dhe Betisit. Dy ekipet shohin te Markizio zëvendësuesit respektivë të Stiven Nzonzit dhe Fabian Ruizit, që humbën në merkato.