Idea e Ambros: Rino duhet ta nisë me 4-3-3
Masimo Ambrozini nuk pret nisjen e kampionatit për kuqezinjtë për t'i dhënë këshilla publike mikut Xhenaro Gatuzo. Ishmesfushori mendon se Rino duhet ta nisë sezonin aty ku e mbylli pak muaj më parë. Duke vlerësuar punën e ish-shokut te Milanit, ai shpjegoi se: "4-33 duhet të jetë pika e referimit për Gatuzon, megjithëse në futbollin modern asnjë ekip nuk e përfundon sezonin me të njëjtën mënyrë që e nisi". Interpretuesit e skemës kanë një rëndësi të veçantë sipas Ambros. Gatuzo duhet të zgjidhë disa ekuacione në sulm dhe njëkohësisht t'i gjejë një vend në mesfushë Hakan Çalhanoglusë, në mënyrë që t'i bëjë vend mes titullarëve edhe spanjollit Samu Kastijeho. "Higuain nuk është mësuar të ndajë sulmin, ndaj raporti i tij në fushë me Susom mund të mos jetë kaq i thjeshtë. Diskutim më vete është edhe Çalhanoglu, me Gatuzon që duhet ta testojë si mesfushor, ndërkohë që në sulm mund të luajë Kastijeho", përfundoi analizën e tij Ambrozini.