Milani kishte në dorë Ramires, “Suning” pengoi transferimin
Zikaltrit, pengesa e merkatos së "Djallit"
Merkato që u mbyll dy ditë më parë rezervoi goditje surprizë, por pati edhe nga ato që nuk përfunduan me sukses, për mosmarrëveshje lojtarësg, agjentësh, klubesh, madje edhe pronarësh. I tillë ishte rasti i Jangsu Sunging, ekip ku militon edhe Ramires Santos Do Nashimento. Sipas portugezëve të "Rekord" ka pasur një prapaskenë edhe për brazilianin, i cili ishte i gatshëm të rikthehej në Europë pas përvojës kineze, e cila kishte pasuar gjashtë vitet e kaluara te Çelsi. I zbarkuar në Kontinentin e Vjetër nëpërmjet Benfikës (një sezon) dhe gjashtë vitesh në Angli, 31-vjeçari prej dy sezonesh luan te Jangsu Suning. Klubi që ka si
pronar Jingdong Zhang, i njëjti person që zotëron edhe Interin, ka vendosur veton mbi transferimin e brazilianit. Sipas të përditshmes portugeze, lojtari kishte gjetur një akord me Milanin, klub për të cilin e kishte bindur patrioti, Leonardo, në rolin e drejtorit teknik të kuqezinjve. Pasi palët kishin rënë dakord edhe për
pagesën dhe sezonet, bisedimet janë ndalur nga krerët e klubit kinez, të cilët nuk kanë lejuar përforcimin e radhës për "Djallin", duke bllokuar transferimin. Frika për një përforcim të ekipit të Gatuzos ka bërë që Jingdong Zhang, të shpalosë kontratën e lojtarit me Ramiresin që duhet të kënaqet nga lumi i milionave që arkëton në tokën kineze. Kujtojmë se pak vite më parë, braziliani i pati dhënë lamtumirën kombëtares së vendit të tij, duke preferuar Kinën, ndërkohë që për të argumentuar vendimin tha: "Preferoj të jem milioner sesa të krenohem me disa prezenca në kombëtare, por të mos jem i pasur".