Modriç nxjerr blof Perezin para FIFA-s

Luka Modriç ishte tema më e nxehtë e ditëve të fundit në aksin Madrid- Milano. Interi bëri gjithçka për ta transferuar dhe kjo gjë rebeloi presidentin Perez, i cili e çoi çështjen në FIFA, duke paditur zikaltrit. Menjëherë institucioni më i lartë i futbollit botëror komunikoi me italianët, por edhe me vetë lojtarin. Sipas "Don Balon", Modriç ka mohuar kontaktet me Interin, duke përgënjeshtruar edhe pretendimin e presidentit të Realit. Qartazi duket se ai nuk ka mbetur i kënaqur nga fakti që Perez nuk e la të lirë të transferohej në Milano për të luajtur me një ekip, për të cilin ka bërë tifo që fëmijë dhe ku luajnë tre bashkëkombësit e tij.