Arsen Hoxha: Skënderbeut t'i zbriten 6 pikë
"Heqja e Policisë së Shtetit, një naivitet i madh"
Arsen Hoxha, ishgjyqtar i FIFA- s dhe njëkohësisht ish-shefi i arbitrave në FSHF afro tetë vite më parë, ka reaguar dje për skandalin në ndeshjen hapëse të kampionatit të 80-të, SkënderbeuPartizani (1-0). Përmes rrjetit social, Hoxha shkruan se ligji i ri për heqjen e policisë nga stadiumet është një naivitet i madh. Në prag të mbledhjes së Komisionit të Disiplinës për të shqyrtuar ngjarjet e dhunshme në Korçë, gjyqtari i famshëm i viteve '70-'80 deklaron se Skënderbeut duhet t'i zbriten 6 pikë, në mënyrë që kjo masë të bëhet mësim për tifozëritë e qyteteve të tjera në Shqipëri. "Çuditërisht është e përsëritur kjo skenë në Korçë, veçanërisht kur luajnë ekipet e kryeqytetit. Heqja e Policisë së Shtetit është një naivitet i madh kur dihet mirë se dhuna është pjesë e përditshme e njerëzve tanë. Ajo është gjithmonë në raport të drejtë me kulturën mesatare që zotërojmë. Unë dhe ju e kemi trajtuar disa herë në media këtë problem, por ata që përgjigjen direkt për këtë punë nuk duan të përfitojnë nga eksperienca e vendeve të tjera. Minimumi që Skënderbeut t'i zbriten 6 pikë, është jo vetëm një masë e arsyeshme, por edhe paralajmëruese për tifozët e qyteteve të tjera në Shqipëri", ka thënë ish-gjyqtari fierak.
Çfarë ndodhi - Skënderbeue vlefshme për javën e parë të Superiores, degjeneroi në dhunë mes tifozëve dhe u ndërpre 16 minuta. Për 72 minuta lojë gjithçka ka qenë
korrekte në fushë, por më pas situata precipitoi në shkallët e stadiumit. Sapo kaloi minuta e 70-të, tifozëritë nisën të sulmojnë njëra- tjetrën me flakadanë. Madje, në sektorin e ultrasve të Partizanit pati gurë edhe ndaj automjeteve të ambulancës dhe zjarrfikëses,
të cilat u detyruan të largohen nga ajo pjesë e pistës. Gurët nga tifozët e kuq nuk u drejtoheshin vetëm mjeteve në pistë, por edhe tifozëve në tribunën B të stadiumit. Këta të fundit, që ishin vendës, u kundërpërgjigjen me të njëjtën monedhë. 30 stjuartë në të gjithë
stadiumin nuk mund të mbanin nën kontroll 5 mijë veta. Vetëm pas 16 minutash përleshjeje dhe shkatërrim stolash në pjesë të ndryshme të stadiumit, situata u normalizua. Ndërkohë, lëndime jo të lehta morën katër stjuartë dhe pesë tifozë.