Kukësi nuk duron, shpërthen ndaj arbitrit Enea Jorgji

Verilindorët hedhin poshtë "bamirësin e titullit" të 2017-ës

Kukësi kthen në armik të popullit gjyqtarin Enea Jorgji. Me anë të një deklarate për shtyp, të publikuar dje nga faqja e "Facebook"-ut të Kukësit, arbitri i FIFA-s, për gjykimin e djeshëm etiketohet jo profesionist. "Arbitri i ndeshjes së sotme (djeshme), Enea Jorgji, tregoi edhe një herë jo profesionalizëm, duke favorizuar në mënyrë të hapur ekipin e Laçit, ashtu siç ka vepruar shumë herë të tjera. Shumë qartë, ai nuk dha disa herë goditje dhe faulle për ne, siç ishte dhe rasti i ndërhyrjes së parregullt të Uilliam Kordeiros. Ne do të analizojmë me detaje këtë ndeshje për të nxjerrë dhe përgjegjësitë tona si staf dhe ekip, si dhe do të dërgojmë në Komisionin e Arbitrimit ankimin për këtë arbitër në mënyrë që të mos jetë më gjyqtar në asnjë ndeshje që do të luajë Kukësi", mbyllet deklarata e klubit kuksian. Kuksianët, nga ana e tyre, edhe pse e akuzojnë gjyqtarin më të mirë shqiptar, harrojnë dhuratën dy sezone më parë në sfidën me Skënderbeun. Edhe në shkurt të 2018-ës, pas sfidës së fazës së tretë të luajtur në "Zeqir Fmeri" kundër Kamzës, Kukësi e shpalli "non grata" Enea Jorgjin, si përgjegjës kryesor për humbjen 0-1. Kujtojmë që Jorgji ishte "bamirësi" i ndeshjes me Skënderbeun dhe i titullit të 201;-ës. Kukësi, i drejtuar këtë sezon nga trajneri Ernest Gjoka, arriti të thyejë 2-0 Skënderbeun. Korçarët u ndëshkuan me dy kartonë të kuq, me Jorgjin protagonist që nuk jep një 11metërsh për Skënderbeun. Hamdi Salihi i merr kartonin e kuq, ia gris dhe braktis lojën, por më pas kthehet në fushë, duke shënuar një nga ndeshjet më të errëta të gjyqtarit elbasanas, i cili haptazi, atë takim e mbajti në favor të kuksianëve.