PartizaniPartizani i i akuzonakuzon përpër dhunën, korçarët në kundërsulm:kundërsulm: S'kaS'ka tëtë paprekshëmpaprekshëm prejprej politikëspolitikës
Kampionët fajësojnë tifozët e kuq, i japin prapavijë politike
Thuhet se çudia më me madhe zgjat tri ditë, por në rastin e dhunës që ndodhi në stadiumin e Korçës në ndeshjen Skënderbeu-Partizani, klubet u kujtuan që të prononcohen pas tri ditësh. Mbase kjo histori edhe mund të ishte harrur, siç e thotë edhe shprehja popullore, por deklarata e "Ultras Guerrils" në mbrëmjen e së dielës mbase ka shërbyer si shkëndijë që të nisë beteja e reagimeve dhe kundër-reagimeve nga dy klubet. Për ultrasit e kuq, ajo që ndodhi në Korçë ishte skenar dhe gishti tregues ishte drejtuar nga trinomi, FSHF-Duka-Takaj. Betejën e deklaratave e nisi dje Partizani, që sipas tyre pas monitorimit të situatës së dhunës së ndodhur në Korçë, japin arsyet e tyre. Ata distancohen nga dhuna, por thumbojnë vendësit për çalimin në organizimin e ndeshjes. Sipas tyre, zhvillimi i ndeshjeve pa policë, por me stjuartë nuk quhet eksperiment, gjersa ky ndryshim është pasqyruar në Ligjin e ri "Për Sportin". Pas deklaratës së Partizanit, nuk ka vonuar kundërpërgjigjja e Skënderbeut, që në deklaratën e tij bën fajtor tifozët kryeqytetas, të cilët janë përsëritës dhe kanë shkaktuar mbi 3 milionë lekë dëme në stadiumin e Korçës. Për Skënderbeun ka ardhur koha që të marrë fund paprekshmëria e grupimeve të tifozëve që prodhojnë dhunë dhe, sipas tyre, kjo vjen nga mbështetja politike që ata kanë. Korçarët i quajnë viktimizime fjalët e shprehura nga ultrasit e kuq, pse jo, edhe klubi. Skënderbeu i bën thirrje Komisionit të Disiplinës që të presë dhe mos marrë vendim, derisa çështja është nën hetim nga Prokuroria e Korçës.