Futboll sa më i bukur, rregullat e reja në Spanjë

Kampionati spanjoll kërkon vëmendje maksimale dhe federata ka publikuar një listë të re për rregullat që duhet të zbatojnë skuadrat pjesëmarrëse. Me synimin që gjithçka të duket sa më bukur në televizor dhe jo vetëm, ata u kanë kërkuar të gjithë presidentëve që të plotësojnë disa kushte në lidhje me fushën, dhomat e zhveshjes etj. Më poshtë janë disa nga rregullat më interesante.

Bari- Sistemet e kullimit dhe të drenazhimit duhet të jenë perfekte për të shmangur shtyrjen e ndeshjeve për shkak të kushteve atmosferike. Do të ketë auditime të ndryshme për ta kontrolluar këtë gjë. Lartësia e barit duhet të jetë mes 20 dhe 30 milimetra.

Prerja- Harrojeni prerjen e barit në mënyrë rrethore. Tani vijat duhet të jenë të drejta dhe secila fushë duhet të ketë të paktën 9 ndarje. Klubi duhet të njoftojë për ujitjen e tij dhe pompat duhet të fiken në fillimin e ndeshjes.

Audio- Sistemi i audios në stadiume duhet të funksionojë edhe nëse ndalet energjia elektrike. Gjatë ndeshjes, ai duhet të shërbejë vetëm për të dhënë mesazhe sigurie për tifozët. Por nuk duhet të jetë shumë i lartë.

Analizat- Pamjet e analizave për televizionet do të jenë të njëjta për të gjithë. Do të ketë 3 kamera që do shërbejnë për regjistrimin e momenteve të ndryshme nga ato që transmetohen. Konferenca- Në tavolinat e konferencave për shtyp do të lejohen vetëm dy shishe. Ato mund të jenë pije freskuese ose ujë. Pijet alkoolike janë të ndaluara. Mikrofoni duhet 30 centimetra. Dhomat- Liga u bën thirrje skuadrave që të pajisin me kamera dhomat e zhveshjes, në mënyrë që të regjistrojnë momentet kur trajnerët flasin dhe motivojnë ekipet e tyre.