Keita: E lehtë të pranoja Interin, me Juventusin matemi në fund

"Nuk u mendova për asnjë moment: kur merr një ofertë nga Interi zgjedhja bëhet e lehtë". Keita është prezantuar: buzëqeshje me në duar fanellën numër 11. "Në Montekarlo kalova shumë mirë, por duhet të falënderoj Interin që bëri një sforco të madhe për të më marrë këtu. Pozicioni im i preferuar? Mund të luaj në gjithë sulmin, nuk veçoj asnjë. Luaj ku Spaleti të dëshirojë. Numri? 14ën e ka Naingola, por e kisha menduar ndërrimin e numrit dhe 11ën e kam mbajtur te "Primavera". Më pëlqen? Rikthimi në Romë? Për momentin nuk e mendoj, kemi shumë ndeshje përpara. Një premtim tifozëve? Shumë punë dhe grintë!".

FAKTORI SPALETI - "Është një trajner me eksperiencë të madhe, e kam përballur disa herë si kundërshtar, të gjithë më kanë folur mirë për të. Jam i lumtur që ndodhem këtu edhe pse ndodhet ai, e di që do më ndihmojë në rritje. Për të dhe Interin jam i gatshëm të luaj edhe në mbrojtje, në fund të fundit në futbollin modern duhet të jesh i zoti edhe në lëvizjet pa top". Keita shton: "Unë e De Vraj tek Interi me një të kaluar te Lacio? Edhe ne duam të shkruajmë historinë me këtë fanellë, ashtu si lojtarë të mëdhenj që kanë ardhur nga Roma; shpresoj gjithçka të shkojë mirë. Interi antiJuvja? Nuk mendojmë për Juven, por vetëm te skuadra jonë. Duhet të fokusohemi që t'i fitojmë të gjitha ndeshjet, klasifikimi do jetë pasojë. Kristiano Ronaldo në Itali? Kampionati italian ka qenë gjithmonë i vështirë, me kampionë të nivelit të lartë. Këtë vit pritet më shumë spektakël: diçka pozitive për të gjithë".

GATI PËR TORINON - "Me Sasuolon humbëm, por nuk duhet të demoralizohemi. Jemi gati për Torinon, kam besim, jemi një skuadër e madhe dhe do e dëshmojmë". Rikthimi në Serinë A duket ta ketë entuziazmuar: "Është një kampionat që më pëlqen shumë, i duhuri për mua. Ku do jem pas një viti? Tek Interi, normale. Isha pranë kësaj fanelle tre vite më parë e madje edhe vjet. Më pëlqen të jem protagonist. Interi është një klub që e simpatizoj që kur isha fëmijë dhe luaja te Barcelona". Meritë e Etosë, që një ditë në "Camp Nou" i shpjegoi disa sekrete.