Flamurtari dhe Kukësi tregojnë “muskujt”
“Kundërshtari është para nesh, por ky nuk është justifikim”
Flamurtari i Ilir Dajës do të kërkojë toren përballë Kukësit, në ndeshjen e parë që luhet në Vlorë për këtë sezon. Në një prononcim të dhënë dje për "Panorama Sport", trajneri Ilir Daja tha se ekipi i tij hyn në fushë me...
lamurtari i Ilir Dajës do të kërkojë fitoren përballë Kukësit, në ndeshjen e parë që luhet në Vlorë për këtë sezon. Në një prononcim të dhënë dje për "Panorama Sport", trajneri Ilir Daja tha se ekipi i tij hyn në fushë me mentalitet fituesi. Pavarësisht se pranon që Kukësi është një hap para Flamurtarit, trajneri Daja nuk i trembet kundërshtarit. "Ndeshjen e dytë të kampionatit do ta kemi përballë Kukësit. E kemi përgatitur me mjaft seriozitet dhe lojtarët kanë marrë ngarkesat maksimale. Sigurisht që Kukësi është një hap përpara sepse vjen nga një ritëm tjetër, pasi ka qenë pjesëmarrës në Champions League dhe Europa Ligë. Është formatuar para nesh dhe ka pasur kohë më shumë në dispozicion. Megjithatë, këto nuk janë justifikime për t'u futur në ndeshje me një mentalitet jo fituesi. Në çdo ndeshje ne do të hyjmë për të marrë trepikëshin. Me këtë mendësi hyjmë edhe në këtë ndeshjen me Kukësin, për të marrë maksimumin që patjetër është fitorja. Asnjë rezultat tjetër nuk na kënaq", tha fillimisht Daja.
MERKATO - Trajneri Ilir Daja ndalet edhe te merkato. Kreu i pankinës vlonjate thotë se me ardhjen e Albi Allës dhe rumunit Sergi, mbrojtja është përforcuar dukshëm. Daja thotë se do të ketë edhe afrime të tjera. "Me ardhjen e Allës dhe të Kristian Sergit përforcohet
reparti i mbrojtjes, sidomos qendra, aty ku kishim edhe numër më të paktë lojtarësh. Por, na duhen edhe lojtarë të tjerë dhe besoj se deri në fund të merkatos të plotësohemi për të rritur cilësinë brenda grupit, për të rritur rivalitetin dhe për të përballuar një kampionat që
është i gjatë me 36 javë dhe paralelisht edhe me Kupën e Shqipërisë", tha Daja.
VAZHDIMËSIA - Trajneri Ilir Daja thotë se Flamurtari nuk kënaqet me barazimin, por në Durrës në takimin e kaluar, 0-0 ishte rezultati më i drejtë. Sipas trajnerit, duhet të minimizohen ato gjëra, që në ndeshjen e parë nuk ishin pozitive. "Për kohën që kishim në dispozicion, pavarësisht se donim të merrnim më shumë nga ndeshja e parë me Teutën, mendoj se për atë që dhamë në fushën e lojës, rezultati më i drejtë ishte barazimi. Natyrshëm që nuk kënaqemi me barazimin. Në atë ndeshje kishte gjëra pozitive. Ka rëndësi që në të ardhmen, ato që janë pozitive t'i automatizojmë dhe t'i shtojmë në veprime, si dhe të minimizojmë ato gjëra që në ndeshjen e parë nuk ishin në nivelin e duhur", përfundoi Daja.