Pjaniç: Nuk jemi ende brilantë, por rëndësi kanë pikët
Një rinovim i festuar në mënyrën më të mirë të mundshme për Miralem Pjaniçin dhe Juventusin, me futbollistin boshnjak që shpërblen në mënyrën më të mirë të mundshme besimin e trajnerit dhe drejtuesve të klubit, që për 28-vjeçarin shtyn këtë verë sulmet e Realit të Madridit dhe të Mançester Sitit. Dhe përgjigja në fushë nuk mund të ishte më e denjë, më e fortë, më e qartë për mesfushorin, i cili shpreh të gjithë lumturinë e tij për golin spektakolar, me një goditje jashtë zone dhe tri pikët e radhës në kampionat. Pjaniç, edhe një herë tjetër u rritët me kalimin e minutave...
Nuk jemi ende në formën më të mirë. Në momente të ndryshme luajtëm mjaft mirë, por nuk ishim sërish brilantë, ndonëse e rëndësishme është që në fund fituam 2-0 dhe festuam tri pikët e radhës. Përballë kishim një Lacio të shkëlqyer, e cila na vuri shumë në vështirësi, me një presing të lartë, por ia dolëm sërish të gjithë bashkë. Të fitosh është e rëndësishme, nuk është asnjëherë e lehtë. Ne po punojmë për të përmirësuar formën fizike, por tani e në vazhdim do të jetë më e lehtë.
E festove rinovimin me një gol spektakolar... Jam i lumtur që do të vazhdoj të qëndroj në këtë klub madhështor. Ia dedikoj golin tim drejtuesve të klubit, shokëve të skuadrës dhe pa dyshim tifozerisë sonë madhështore, planetit Juventus që na bashkon të gjithëve. Nëse unë kam rritur lojën time në vitet e fundit, është pa dyshim edhe falë këtij ambienti, që të garanton gjithçka të nevojitet. Të kesh besimin e trajnerit dhe drejtuesve është e rëndësishme dhe kjo nuk më ka munguar kurrë. Dole shpejt nga fusha, ishe i lodhur?
Jo, ndihem mirë, por gjatë javës pësova një lodhje muskulore. Gjithsesi, nuk ishte asgjë shqetësuese. Nesër (sot) do të pushoj dhe nga e hëna do të stërvitemi për të fituar edhe ndeshjen me Parmën.