"Ndeshje e madhe, çfarë fati që nuk pagova biletë"
Ndeshja mes Gatuzos dhe Ançelotit nisi me një puthje dhe përfundoi me një shtrëngim duarsh, por për trajnerin e Napolit marrëdhënia me ish- futbollistin e tij do të vijojë të jetë speciale. Konferencën për shtyp që pasoi ndeshjen, trajneri i napolitanëve e nisi duke shpjeguar pikërisht raportin me Rinon: "Kam një kujtim të mirë nga pjesa dërrmuese e futbollistëve që kam stërvitur, por me Rinon kam një marrëdhënie të veçantë. Për mua ishte një mbrëmje e bukur dhe plot me emocione. Mund të them se patëm shumë fat që asistuam në një ndeshje të tillë, sidomos unë që as nuk pagova biletë".
Pikë të plota në kampionat, por nga lartësia e përvojës së tij, Ançeloti kërkon që ndeshjet të merren me radhë. "Kjo skuadër ka përvojë dhe njohur mbi modulin 4- 3- 3, por ndonjëherë do të na duhet të përdorim edhe 4-2-3-1, si në rastin e sotëm ( djeshëm) kur na u desh të shtonim presionin mbi Bilian. Ndryshova sistem dhe djemtë nisën një tjetër mënyrë loje. Më duhet të theksoj se edhe shtysa që na dha publiku ynë rezultoi vendimtare".
Duke vazhduar analizën e ndeshjes, tekniku 59-vjeçar njohu edhe meritat e kuqezinjve, duke shpjeguar ndër të tjera: "Milani luajti një ndeshje të mirë, por pavarësisht se na shënoi dy herë nuk mendoj se ishte gjithçka meritë e dytë. Pas disavantazhit të dyfishtë doli në pah dëshirë dhe besimi ynë. Nuk u dorëzuam dhe sulmuam një Milan që nuk kishte dhënë shenja të tjera të rrezikshmërisë. Nuk duhet që të kalojmë në disavantazh për të fituar ndeshjet, ndonjëherë do të na mjaftonte edhe vetëm një gol i yni për të marrë tri pikët".