Laçi “zverdh” Luftëtarin, i vetëm në krye

ien në frymën e fundit, hkurtaj nuk e shmang disfatën e dytë

Besim, forcë, grintë dhe saktësi. Laçi ia del që të marrë fitoren e parë në fushën e vet, duke u ngjitur në krye të klasifikimit përkohësisht. Një përmbysje "in ekstremis" përballë Luftëtarit që shpërdoron shumë dhe del në të dytin takim pa pikë. Një gol i Shkurtajt me kundërsulm në fundin e pjesës së parë përmbyset nga një aksion model i Eler-Shtubina dhe në fund, në të katërtën shtesë, është Gjoni që dërgon me kokë një top në cepin e pamundur për portierin Ruçi. Tri pikë të arta për kurbinasit që tregojnë edhe një herë se besimi deri në fraksionin e fundit shpërblehet.

AGONIA - Pjesa më e madhe e 45 minutave të para, u kanë shërbyer skuadrave që të studiojnë njëra-tjetrën. Lojë e përqendruar në mesin e fushës, me skuadrat që nuk donin të gabonin në prapavijë dhe bënin shumë pak për të kaluar mbrojtjet respektive. Laçi mundohet që të qarkullojë dhe administrojë takimin, por Luftëtari provon me tentativa interesante që të vërë në provë Selmanin.

SHKËNDIJAT - Që në minutën e dytë, Lushkja kërkon të gjejë të papërgatitur portierin e miqve, por sfera e shënjestruar prej tij nga jashtë zone, nuk gjen kuadratin. Më tej, ka një super shpërthim të Ymerajt, i cili në të djathë është i pandalshëm edhe me sparkatën e Sefgjinajt, por krosimi në qendër nuk gjen në kohë Shkurtajn.

UZUNI DHE SHKURTAJ - Rasti ideal i ndeshjes regjistrohet në minutën e 44-t, kur Shkurtaj tenton të futet në zonë, por nga vonesa bllokohet nga mbrojtësi dhe pasi humb mundësinë e goditjes, rrëzohet duke kërkuar penalltinë. Për kryesorin ishte lojë e rregullt që urdhëron sulmuesin të ngrihet menjëherë. Mirëpo, aksioni i radhës menjëherë gjen verdheblutë ( fanella e dytë e Luftëtarit) në kundërsulm me Shkurtajn, i cili me shpejtësi del përballë Selmanit dhe e çon topin në cepin e djathtë të portës së kurbinasve. Gol që mjafton për fraksionin e parë të takimit.

SHTUBINA - Zëvendësimi i kurbinasve bën që Laçi të shtyjë më tepër drejt sulmit. Është Shtubina që kombinon disa herë me Uzunin për të udhëhequr manovrën e Laçit. Një kundërsulm dhe pasi perfekt i Eler në qendër, nxjerr Shtubinën përballë portierit që, edhe pse devijon pak topin,

nuk e ndal. Barazon Laçi.

FUND PËR "ATAK" - Luftëtari ka disa shanse për të dyfishuar, por nuk ia del. Për këtë nuk e ndihmon as Xhekson që ndëshkohet me të kuq, pasi bën një veprim të rrezikshëm ndaj Mersinit. Në minutën e katërt të kohës shtesë,

një goditje standarde e Laçit shndërrohet në golin e artë për vendësit. Një fund ndeshjeje për "atak", teksa Gjoni godet saktë me kokë brenda zonës dhe kurbinasit në delir. Tri pikët e para dhe përkohësisht vendi i parë në klasifikim për Mërgjyshin dhe të tijtë.