Dortmundi konfirmohet skuadra anti-Bajern

Borusia e Dortmundi mund të quhet pa frikë skuadra optimale për të luftuar me Bajernin në duelin për titull. Trajneri Favre dhe drejtuesit e tjerë të klubit kanë bërë një punë shumë të mirë në merkato duke afruar në skuadër lojtarë të denjë për Borusian. Ndeshja e së dielës ndaj Lajpcigut ishte tregues i qartë se çfarë synimi do të kenë verdhezinjtë në sezonin e ri. Edhe pse Favre nuk ka dashur të cilësohet si skuadra që mund konkurrojë me bavarezët në luftën për "Meisterschahlen". Në "Signal Iduna Park" tifozët u dëfryen shumë ditën e diel duke shpresuar në një rikthim sa më të shpejtë të skuadrës në krye të tabelës, kryesim ky që ka nisur që këtë javë të parë falë golavarazhit të lartë. Bajerni më në fund do të garojë së bashku me rivalët e tij të vetëm në Gjermani duke rikthyer klasiken e kampionatit sërish në skenë. Në Dortmund janë gati dhe falë dyshes Vitsel-Rojs, Borusia ka filluar të bëjë tifozët e saj të ëndërrojnë sërish.

Gëce, në stol - Mario Gëce nuk luajti asnjë minutë duke qëndruar gjatë gjithë ndeshjes në pankinë në ndeshjen e fituar 4-1 ndaj Lajpcigut të dielën. Edhe pse gjatë fazës përgatitore në Amerikë mesfushori gjerman ka bindur me formën e tij. Këtë pranoi edhe vetë trajneri i ri Lusien Favre. Gjatë ndeshjes së Kupës së Gjermanisë ndaj Furth, Gëce ishte akoma titullar, duhet të dilte nga loja në minutën e 63-të për shkak të një ndeshjeje të dobët. Dhe gjatë ditëve që vijuan deri në ndeshjen me Lajpcig, ai nuk e ka bindur trajnerin Favre. Ai ka futur në fushë Vitsel, Delanei dhe Dahoud. Plani ishte i suksesshëm, Dortmund fitoi me lehtësi. Gëce ka konkurrencë te Dortmund, por nëse shkëlqen përsëri në stërvitje, do të bëhet zgjedhja e parë e trajnerit.