Shkumbini dhe Sopoti ndahen në “paqe”, bindin sulmuesit
Festival golash në Peqin, derbi mbyllet 3-3
Shkumbini dhe Sopoti, dy ekipet e prefekturës së Elbasanit, të cilat do të përbëjnë derbin më interesant të Grupit të Jugut, u përballën dje në një miqësore. Ndeshja e zhvilluar në Peqin përfundoi me shifrat e barabarta 3- 3. Ka qenë një takim i mbushur me emocione dhe gola, ku ranë në sy performanca e sulmuesve Mustafaji dhe Çota në të dyja kampet. Ata dëshmuan se nuk kanë humbur reflekset përpara portës kundërshtare, çka do të jetë një garanci më shumë për këtë sezon. Loja ka nisur me ritëm mesatar dhe rastet e para i krijon skuadra mike, ku pikërisht Çota vendos në provë aftësitë e portierit vendës. Pas disa përpjekjeve nga të dyja skuadrat, janë librazhdasit që gjejnë golin të parët me anë të Alliut, që shënon me kokë në portën e Shkumbinit. Vetëm pas gjashtë minutash, i riu Lila barazon shifrat dhe me këtë rezultat mbyllet pjesa e parë. Pjesa e dytë nis thuajse me gol për peqinasit, pasi Mustafajit i kanë mjaftuar 60 sekonda për të realizuar golin e
Lila 37', Mustafaji 47', 70'/ Alliu 31', Çota 60', Rresha 79'
Spaho, Xhyra, Ramazani, Gjyla, Bërdufi, Isaji, Çela, Lluca Likaj, Lila, Mustafaji; (
Leka, Luta, Bali, Baze, Sharka, Xh.Lluca, Ibërshimi, Bullari, Pali).
Trajner: A. Bano
Alliu, Bozha, Jugu, Xhakerri, Xhani, Seferi, Polisi, Tocka, Alliu, Vreto, Çota; ( Dosku, Goci, Sulejmani, Koxha, Dosku, Rresha).
Trajner: K. Kënga.
M.Sina, D.Mile, I.Çauli (Lushnjë)
avantazhit. Loja bëhet interesante dhe pas disa tentativave Çota gjen golin duke barazuar për miqtë, por largohet nga fusha pas një shqetësimi fizik. Në minutat e mbetura trajnerët aktivizojnë thuajse të gjithë futbollistët e stolit. Mustafaji në të 70-ën realizon golin e tretë për Shkumbinin, por Rresha barazon gjithçka dhjetë minuta nga fundi dhe e gjithë ndeshja përfundon në barazim. Fatmir Ahmeti Artan Bano i kënaqet lojës, por evidenton se nga ekipi do të ketë largime. Gjatë deklaratës së dhënë për gazetën në fund të ndeshjes, trajneri i skuadrës së Shkumbinit tha: "Jemi akoma në fazën e kolaudimit të skuadrës. Mendoj se do të ketë disa largime lojtarësh që nuk kanë bindur. Nga ana tjetër, futbollistët të cilët do të punojnë dhe do të përbëjnë bazën e ekipit të ri, duhet të punojnë më shumë për të gjetur formën fizike".