Mena4heri 2irho10 Të bë/më pa3e me ti1ozët

Oliver Birhof ka qenë i të njëjtit mendim me trajnerin Lëv, përsa i përket të ardhmes së skuadrës kombëtare. Për ish-lojtarin e "Pancerave" e rëndësishme është të fitojë besimin e tifozëve, të cilët janë shumë të zhgënjyer nga performanca e skuadrës në Botërorin e Rusisë. Për rëndësinë e të qenurit lojtar i kombëtares...

"Të luash për vendin tënd është diçka shumë e veçantë, lojtarët janë i të njëjtit mendim me mua, kemi folur gjatë me disa dhe të gjithë duhet të kuptojmë rëndësinë që ka kjo fanellë. Në Rusi shumë gjëra nuk shkuan ashtu siç e kishim menduar. Por, pasi analizuam me kujdes së bashku me trajnerin Lëv çdo detaj, mendoj që do të ringrihemi shpejt". Për afrimitetin me tifozët... "Kemi zhvilluar disa ndeshje miqësore para Botërorit ku bileta kushtonte vetëm 5 euro. Më pas, gjatë grumbullimeve kemi dhënë autografe për tifozët mbas çdo seance stërvitore, kjo për të pasur sa më pranë tifozët, të cilët i kuptoj nëse janë zemëruar me ne. Do të bëjmë maksimumin që marrëdhënia me ta të jetë si në të kaluarën". Për Mesut Ozil...

"Kam kaluar nëntë vite të mrekullueshme me Ozilin në kombëtare. Ai është një lojtar shumë i mirë, që ka kontribuar në fitimin e Kupës së Botës në vitin 2014. E gjithë kjo situatë që u krijua dhe largimi i tij nga skuadra na ka dhembur shumë, na vjen keq që gjërat shkuan kështu. Akuzat për racizëm duhet të tërhiqen. Ai ka qenë një lojtar i kombëtares dhe këtu në kontekstin e ngjarjes nuk kemi të bëjmë me racizëm. Kam biseduar me shumë njerëz dhe e veçanta është se shumë prej tyre kanë mendime të ndryshme nga njëri-tjetri në lidhje me këtë temë, pra situata nuk ka qenë shumë e qartë për askënd".