Gjobë Flamurtarit e Kastriotit, ofendimet kushtojnë... gjysmë milioni

Komisioni i Disiplinës ka caktuar dje vendimet e vlefshme për javën e dytë të Kategorisë Superiore. Për dy skuadrat kryeqytetase, Partizani dhe Kamza kanë pasur vetëm paralajmërime, respektivisht për uniformat si dhe kushtet sanitare, ndërkohë që Flamurtari dhe Kastrioti e kanë pësuar me gjobë. Ndonëse në vendim referohet i njëjti nen, Disiplina ka gjobitur me gjysmë milioni më tepër skuadrën vlonjate vetëm për shkak të ofendimeve. Ja vendimet e Komisionit të Disiplinës: 1. K.S "Kastrioti", për sjellje të gabuar të spektatorëve, duke hedhur sende brenda rrethimit të fushës pa shkaktuar akte dhune apo ndërprerje të ndeshjes, në bazë të Nenit 66/1 të KDS, dënohet me gjobë në masën 50.000 (pesëdhjetë mijë) lek.

2. "Flamurtari" F.C, për sjellje të gabuar të spektatorëve, duke hedhur sende brenda rrethimit të fushës pa shkaktuar akte dhune apo ndërprerje të ndeshjes si dhe duke përdorur shprehje ofenduese, në bazë të Nenit 66/1 të KDS, dënohet me gjobë në masën 100.000 (njëqind mijë) lek.

3. K.F Kamza, paralajmërohet se në rast përsëritje të mosplotësimit të kushteve sanitare, do të jetë subjekt i penaliteteve konform rregullores së aktivitetit.

4. K.F Partizani, paralajmërohet se në rast përsëritje për ndryshimin e uniformës së garës pa miratim paraprak të FSHF, do të jetë subjekt i penaliteteve konform rregullores së aktivitetit. Kundër vendimit lejohet ankim brenda 3 (tri) ditëve përpara Komisionit të Apelit.