Gjermanët e Hohenshtajn përmbysin 4-2 Tiranën
Ka startuar me humbje aventura në eliminatoret e "Futsal Champions League" për kampionen e Shqipërisë, Tiranën, pasi bardheblutë janë thyer në ndeshjen e parë në grup nga gjermanët e Hohenshtajn me rezultat 4-2, edhe pse pjesa e parë u mbyll në avantazh të dy golave për Tiranën.
NDESHJA - Minutat e para janë më të mira për skuadrën gjermane, e cila duket më e rrezikshme. Më pas, kampionët e Shqipërisë fitojnë më shumë besim në lojë dhe në 4-ën gjejnë golin e avantazhit me anë të Ramadan Alajt, i cili shfrytëzon saktë një asist të marrë nga Selmanaj. Gjermanët përpiqen të reagojnë, por portieri Rrapi shpëton portën në disa raste duke u mohuar golin. Ndërkohë, në minutën e 14-të, Ramadan Alaj gjen sërish rrugën e rrjetës duke shënuar golin e dytë për Tiranën. Skuadra e Erjon Hoxhës luan mirë, por rezultati i pjesë së parë nuk do të ndryshojë dhe bardheblutë shkojnë në pushimin ndërmjet dy pjesëve me avantazhin e dy golave. Pjesa e dytë starton me sulme të shumta nga skuadra e Hohenshtajnit, e cila kërkon me ngulm golin dhe në të 23-ën do ta gjejë atë. Është lojtari me origjinë shqiptare, Elezi, që asiston për Kristofer Uiting, i cili më pas e dërgon në rrjetë duke ngushtuar shifrat në 1-2. Tirana hutohet nga goli i pësuar dhe në të 29-ën ndëshkohet sërish. Është Melnik ai që vendos baraspeshën në rezultat pas një asisti të marrë përsëri nga Elezi. Kur dukej se ndeshja po shkonte drejt një barazimi, gjermanët godasin dy herë duke shënuar dy gola në dy minuat e fundit të ndeshjes me anë të Hudaçek dhe Sharovara dhe e fituar ndeshjen me rezultatin 4-2. Bardheblutë do të zbresin sërish sot në parket, ku në orën 16:15 do të luajnë ndeshjen e dytë në grup përballë grekëve të Doukas.
Uiting 23', Melnik 29', Hudaçek 39', Sharovara 40'/ Alaj 4' 14'
Pohl, Melnik, Elezi, Sharovara, Sheritsia/ Uiegels, Hudaçek, Erler, Salak, Garcia, Jashari, Kosta, Uitig, Belej.
Trajner: Petr Shatalin
Rrapi, Gashi, Selmanaj, En.Kaca, Alibegu/ Shiba, Neziri, Alaj, Xhaferraj, Bajollari, Er.Kaca, Moçka, Skonja.
Trajner:
Uiting 20'
Erjon Hoxha