Statistika

- Pas një miniserie prej tri ndeshjesh pa fitore në Milano, Roma i ka fituar katër sfidat e fundit ndaj kuqezinjve në "San Siro".

- Për këtë sezon, Milani nuk ka luajtur ende asnjë ndeshje në shtëpi e për sa i përket Serisë A, ka shënuar dy gola, ato ndaj Napolit. - Në gjashtë ndeshjet e fundit që janë përballur në kampionat, Roma ka fituar në pesë raste dhe kjo ecuri është një rekord për verdhekuqtë. Suksesin e fundit ndaj kryeqytetasve, Milani e ka arritur në shkurt të këtij viti.

- Në 12 sfidat e fundit, kuqezinjtë kanë fituar vetëm tri herë, ndërsa në pesë raste janë mundur, duke realizuar edhe gjashtë barazime.

- Edin Xheko ka qenë pjesë e katër golave të shënuar nga Roma ndaj Milanit në dy ndeshjet e fundit. Boshnjaku ka shënuar tri herë dhe ka dhënë një asist. - Roma ka fituar vetëm 27 për qind të ndeshjeve ndaj Milanit në Serinë A, praktikisht 44 në 166 të luajtura. Verdhekuqtë kanë një mesatare më të ulët vetëm ndaj Juves (23%).

- Roma është skuadra, ndaj të cilës Milani ka fituar më shumë ndeshje në Serinë A, 73 në 166. - Kryeqytetasit kanë dalë me pikë të plota nga fusha në gjashtë rastet e fundit që kanë luajtur të premten. Këtu përfshihet edhe 2- 0 e prillit të 2014, pikërisht ndaj "Djallit"

- Nga fillimi i 2018-s, Milani ka humbur vetëm një ndeshje në shtëpi, pikërisht atë ndaj Beneventos, teksa Roma nuk ka pësuar humbje në 12 transfertat e fundit, duke koleksionuar 8 fitore dhe 4 barazime. - Mes 14 ekipeve të Serisë A, ndaj të cilave ka luajtur të paktën shtatë herë, Roma është ajo së cilës Gonzalo Higuain i ka shënuar më pak gola, vetëm dy. - Stefan El Sharaui, i cili kur luante me Milanin realizoi 21 gola në 83 ndeshje, pas kalimit te Roma i ka shënuar ish-ekipit të tij dy gola në katër përballje. Realizimet e tij kanë ardhur në fushën e "San Siro"-s.