Lopetegui: Modriç e meritoi, s’kam kohë të flas për Ronaldon
Perez vlerëson merkaton: Morëm më të mirin e Botërorit
ulen Lopetegui "injoron" Kristiano Ronaldon, ashtu siç ky i fundit injoroi organizimin e UEFA- s në shpërndarjen e çmimeve ditën e enjte. Trajneri i Realit të Madridit thotë se përton të flasë për një temë të tillë dhe dëshiron ta përqendrojë vëmendjen te dueli i madrilenëve ndaj Leganesit, sot në orën 20: 45. Në konferencën për shtyp ai tha se Modriç e meritoi çmimin si lojtari më i mirë në Europë.
LOJA E SKUADRËS"Jemi duke hedhur hapa përpara tani që po kapim ritmin. Por, sigurisht që duhet të përmirësohemi në disa aspekte sulmuese dhe mbrojtëse. Ekipi është duke u bërë grup dhe duke shfrytëzuar kualitetin individual të çdokujt".
SULMI I PEREZIT"Nuk do të bëj unë analizën e deklaratave të presidentit. Unë jam i lumtur për Modriçin, i cili fitoi. E meritoi këtë çmim. Luka ka kualitete të jashtëzakonshme dhe është një lojtar që e interpreton futbollin në mënyrë spektakolare. Por duke thënë këtë, dua të sqaroj se më pëlqejnë më shumë titujt kolektivë sesa ata individualë".
PORTIERI- "Formacionin do ta marrim vesh nesër ( sot). Unë kam besim të plotë te portierët. Kemi zgjedhje të mira dhe besoj që do të bëj më të mirën në këtë aspekt".
LEGANESI- "Ka një pikë, por mendoj se mund të bënte 6. Duhet të jemi të përgatitur, sepse ata në sulm mund të luajnë me 4 ose 5 lojtarë. Është një ekip i organizuar dhe i strukturuar. Ka lojtarë më të mirë se vjet".
RONALDO- "Përtoj shumë të flas për tema të tilla. Nuk kam nerva. Jemi të zënë dhe të shqetësuar për ndeshjen. E kuptoj qëllimin tuaj, por nuk është i imi". FLORENTINO PEREZ
Presidenti i Realit, Florentino Perez, e vlerësoi pozitive merkaton që bëri skuadra e tij. Numri një i "galaktikëve" u krenua me faktin që transferoi Kurtuanë dhe Marianon. Në prezantimin e këtij të fundit, ai i thuri elozhe edhe Viniciusit. "Morëm portierin më të mirë të Botërorit dhe kjo nuk është pak. Por kemi gjithashtu një talent të madh si Vinicus, i cili do të bëhet një lojtar fantastik. Mariano ka dëshirë për të bërë histori në këtë skuadër dhe kam idenë që do të shkëlqejë. Jam i lumtur që është këtu me ne sot", ka thënë presidenti i Realit. Dita e djeshme ka qenë ditë prezantimi, pasi u rikthye sulmuesi Mariano. Ky i fundit do të marrë numrin 7 dhe tha se u bind nga Lopetegui. "Telefonata e tij ishte vendimtare për të marrë vendimin për transferimin", tha Mariano.