Shqipëria e nis me humbje, na thyen Holanda
Trajneri Tarja pranon diferencat: Niveli shumë i lartë
hqipëria e nisi me humbje aventurën e saj në fazën finale të Kampionatit Europian U-19, në volejboll për femra. Përfaqësuesja jonë, e cila drejtohet nga Roland Tarja, u thye me rezultatin 3-0 (25-11, 2513, 25- 15) nga Holanda, në një takim që zgjati 64 minuta dhe që u dominua plotësisht nga skuadra e tulipanëve. Një debutim jo i mirë ky për vajzat kuqezi, të cilat u dukën shumë inferiore në lojë ndaj përfaqësueses holandeze dhe nuk mundën dot të rivalizonin. Lojtarja më e mirë e takimit u zgjodh holandezja Anik Meijers, me 15 pikë të realizuara. Kjo ndeshje u zhvillua në Durrës, në sallën sportive "Dhimitraq Goga" dhe ra në sy prezenca shumë e pakët e publikut shqiptar, ndërkohë që të pranishëm ishin dhjetëra tifozë holandezë, të cilët krijuan një atmosferë të bukur duke përkrahur skuadrën e tyre dhe të krijohej ideja se ndeshja po zhvillohej në Holandë e jo në Shqipëri. Shqipëria do të zbresë sërish sot në parket, ku në orën 17:30 do të ndeshet me Bjellorusinë, takim i cili do të zhvillohet sërish në Durrës, në sallën sportive "Dhimitraq Goga" dhe Shqipëria do të kërkojë të marrë fitoren e parë në këtë Europian.
NDESHJA - Seti i parë nis me të dyja skuadrat që luftojnë fort në çdo pikë. Shqipëria fillimisht reziston, duke ju përgjigjur nivelit të kundërshtarit, ku shkojmë në shifrat 89 për holandezet, por më pas Holanda e rrit ndejshëm ritmin e lojës së saj dhe dominon plotësisht në lojë, duke e fituar setin e parë me rezultatin 25-11. Seti i dytë vazhdon të luhet nën diktatin e tulipanëve. Vajzat kuqezi përpiqen të rezistojnë në pikët e para, por diferencat në parket ndërmjet dy skuadrave janë të dukshme dhe Holanda dominon duke e fituar edhe këtë set me rezultatin 25-13. Edhe seti i tretë nuk ka shumë ndryshim nga dy setet paraardhëse, ku është sërish kombëtarja holandeze ajo që kontrollon gjithçka në lojë dhe arrin të fitojë lehtësisht 25-15, duke e mbyllur të gjithë sfidën me një triumf 3-0.
FLET TRAJNERI ROLAND TARJA - Në përfundim të takimit, trajneri i Shqipërisë, Roland Tarja, u duk shumë i pakënaqur me lojën e skuadrës së tij dhe pranon diferencat e mëdha ndërmjet
dy ekipeve. Për "Rtsh sport", Tarja u shpreh kështu: "Luajtëm mirë vetëm në fillim të setit të parë, më pas u dalluan qartë diferencat e mëdha ndërmjet dy skuadrave, me Holandën që luante një lojë shumë të shpejtë dhe skuadra jonë që përbëhet me lojtare që
vijnë nga kampionati shqiptar e nuk mundi t'i përgjigjej dot ritmit të kundërshtarit. Në këto sfida del në pah niveli shumë i ulët i kampionatit tonë kombëtar dhe vajzat hasin vërtet shumë vështirësi, pasi ndeshjet ndërkombëtare kanë një nivel shumë herë më
të lartë. Ne gabuam në shërbim dhe qendrat nuk funksionuan në mënyrën e duhur. Gjithashtu, të vjen keq të shikosh një numër kaq të ulët spektatorësh, ku madje mungonin edhe familjarët e lojtareve", përfundoi trajneri i ekipit U-19 të Shqipërisë.