Rrotacion për të tërë, Kupa si çlirim

Partizani është gati që të bëjë debutimin në Kupën e Shqipërisë, teksa në turin e parë eliminator, sot pasdite në orën 16:00, do të ndeshet me Tërbunin në transfertë. Skuadra e stërvitur nga Skënder Gega, duke parë kundërshtarin, por edhe faktin që...

Ekipi i Tërbunit bëhet gati për sfidën e parë për Kupën e Shqipërisë përballë Partizanit. Ndeshja do të zhvillohet në qytetin e Pukës, në stadiumin "Ismail Xhemajli", me trajnerin e ekipit verilindor, i cili është mjaft optimist në pritje të kësaj përballjeje, një 90minutësh në të cilin do të ketë mundësitë që të vërtetojë edhe një herë formën e lojtarëve të tij si dhe të testojë disa prej tyre. "Nesër (sot) do të kemi një ndeshje mjaft të rëndësishme. Mund të jetë një duel kupe, por për ne kjo përballje është shumë e rëndësishme për disa aspekte, - shprehet trajneri i pukjanëve, Oltijon Kërrnaja. - Në këtë 90-minutësh pres nga të gjithë djemtë e mi që të japin maksimumin, pasi vetëm në këtë mënyrë mund të kuptojmë se cila është forma jonë fizike reale. Në të njëjtën kohë, është edhe dalja jonë e parë zyrtare, ndaj mund të na vlejë shumë edhe për të qenë më të karikuar për debutimin në kampionat. Nuk dua kurrsesi që ta marrim lehtësisht këtë ndeshje, përkundrazi pres që të luftojmë për fitore. Kundër një kundërshtari të fortë si Partizani do të jetë më e lehtë që të kuptojmë gjithashtu edhe përmirësimet që kemi bërë në lojë, në bashkëpunimin mes lojtarëve dhe reparteve. Në të njëjtën kohë, kjo do jetë sfida e parë përpara tifozëve pukjanë dhe kam besim se do t'i bëjmë krenarë. Do t'i tregojmë se ekipi i Tërbunit është gati për të nisur kampionatin dhe për ta fituar atë. Prandaj, ju bëj thirrje të gjithë tifozëve që të jenë sa më të shumtë në numër në stadium dhe të mbështesin ekipin e tyre të zemrës, pasi e ritheksoj, Tërbuni sivjet do t'i bëjë krenarë".