Skandali, gjysmat e vëzhguesve ngelën në teste

Ripërsëritet procedura, përgjegjësi Petrit Brahja: Nuk kam qenë i pranishëm

Sektori i arbitrimit ka marrë përsipër shumë kritika, sidomos në edicionin e shkuar. Mirëpo, ajo çfarë ndodh me kritikat nga ana e klubeve, trajnerëve, futbollistëve dhe sidomos presidentëve, nuk ka aq peshë sa një kritikë që vjen nga... tribuna. Jo për tifozërinë, por në tribunë, gjendet pikërisht njeriu që ka të legjitimuar edhe kritikat dhe vlerësimet për cilësinë dhe saktësinë e arbitrimit. Mirëpo, njeriu në fjalë, vëzhguesi i arbitrave, duhet të jetë ai që paraprin edhe përditësimin e rregulloreve të lojës, diçka që është thuajse e zakontë vit pas viti. Po me vëzhguesit shqiptarë të arbitrave çfarë ndodh?

TESTIMET

Gazeta "Panorama Sport" ka mësuar që më 31 gusht të këtij viti, është kryer edhe testimi i vëzhguesve në Federatën Shqiptare të Futbollit. Gazeta ka mësuar se më shumë se 50 për qind prej tyre, nuk kanë kaluar në testin e parë. Gjithçka, për shkak të parregullsive në testimin që kanë kryer, referuar rregullave të futbollit. Brenda disa ditësh, vëzhguesit shqiptarë të arbitrave i janë nënshtruar edhe një herë tjetër testit teorik, ku nota kaluese ka qenë thuajse për të gjithë.

PËRGJEGJËSIT

Sektori i vëzhguesve ka në krye një emër të njohur për arbitrimin shqiptar. Petrit Brahja, i cili një vit më parë ka qenë në krye të sektorit të dizajnimit (caktimit) të arbitrave, dhe që më pas u dorëhoq, është tashmë pjesë e komisionit të caktimit të vëzhguesve. I kontaktuar nga gazeta, ai ësh-

të përgjigjur: "Nuk kam qenë te testimi që po më thoni. I pranishëm ka qenë zoti Kotherja". Nëse kërkohet që "xhaketat e zeza" të marrin vlerësimin e duhur javë pas jave, rol thelbësor për këtë, normalisht duhet të ketë vëzhguesi i arbitrave.