Start perfekt për Devollin, Tomori thyen Pogradecin
Liqenorët humbasin shumë raste, dështojnë në shtëpi
Pogradeci thyhet në shtëpi. Pas startit të mirë një javë më parë ku mundi Besën me rezultatin 2- 1, liqenorët janë mundur dje nga Tomori me rezultatin 1-0. Nga ana tjetër, beratasit gjejnë fitoren e parë në këtë kampionat dhe trajneri i ri, Bledar Devolli, e nis në mënyrën më të mirë. Vendësit kanë shpërdoruar raste të shumta dhe janë ndëshkuar vetëm në një moment kur kanë humbur përqendrimin në mbrojtje. Pothuajse loja është luajtur në gjysmëfushën e Tomorit, por duhet thënë se reparti i mbrojtjes dhe Kaloshi janë dalluar në këtë takim. NDESH<A
Momentet e para flasin për vendësit dhe janë ata që i afrohen disa herë portës së Kaloshit, atje ku Shkullaku jep sinjalin e parë me gjuajtjen e tij, por topi mbi vijën fatale devijohet nga një mbrojtës. Kundërpërgjigjet Ogbodike, duke dalë përballë Malit dhe vetëm në çastin e fundit gardiani ia heq topin nga këmba. Ivani del i vetëm me Kaloshin, por në çastin e fundit ndërhyn pastër mbrojtësi Mujkiç, duke qenë vendimtar. Liqenorët tentojnë edhe nga goditja e dënimit, por pa rezultat. Pas këtij momenti vjen aksioni i golit. Është Çaço që depërton nga e djathta e sulmit, harkon topin në zonë dhe atje Ogbodike me kokë shënon pa shumë vështirësi. Vendësit kalojnë disa minuta nervozizmi dhe nuk dalin dot te loja e tyre. Vetëm në çastet e fundit të pjesës së parë rrezikojnë në disa raste, por pa arritur të finalizojnë. Pjesa e dytë është totalisht për pogradecarët dhe rastet janë të shumta. wë në momentet e para duke filluar me Ivanin, Osmanllarin që ishte një nga më të mirët në fushë dhe Çelën më pas kur u hodh në fushën e lojës. Madje, minutat e fundit kanë rezervuar momentin më emocionues kur tri herë është goditur te porta e Kaloshit dhe në dy momente gardiani dhe në të tretin mbrojtja shpëtuan portën nga goli i barazimit. Liqenorët shpërdoruan kështu shumë raste duke treguar grintë dhe dëshirë për lojë, por kaq nuk mjafton për të eliminuar humbjen. Nga ana tjetër, miqtë tregohen shumë të kujdesshëm në minutat e fundit dhe arrijnë që ta ruajnë avantazhin deri në fund,
duke u larguar nga Pogradeci me një {-pikësh shumë të rëndësishëm. Trajneri Devolli e nis në mënyrën më të mirë me beratasit, duke i dhënë një { - pikësh shumë të rëndësishëm. Tomori është një prej skuadrave pretendente për t'u ngjitur në Superiore.