Liverpuli leksion Totenhemit, Hazard shou për Çelsin
Junajtid zbret Uotfordin në tokë, Xhaka gol kryevepër
y paralajmërime: i pari në Premier, i dyti për Interin. Liverpuli ka një marsh më shumë dhe arrin suksesin e pestë radhazi, duke konfirmuar se ky është sezoni për të fituar titullin, ndërsa Totenhemi është në krizë loje dhe rezultati. Fitorja e arritur 2-1 në "Wembley" u arrit me një lehtësi çarmatosëse: Vetëm një egoizëm i tepruar nga ana e Vajnaldum apo Salah shmangu një humbje më të rëndë për Spërsat. Leksion i vërtetë futbolli. Të kuqtë zhbllokohen në 39': goditje këndi e Milnerit, dalje e keqe e Vormit, i shqetësuar edhe nga Van Dajk, largim topi i shkurtër nga mbrojtja dhe goditja me kokë e Vajnaldumit kalon vijën fatale, pavarësisht tentativës së portierit. Pjesa e dytë rinis me goditjen e shtyllës nga Moura. Por në 54' Liverpuli gjen golin e dytë me Firminon, i cili në 74' lë fushën pas lëndimit të syrit në dyluftimin me Vertongen. Goli i Lamelës në shtesë erdhi tepër vonë për Spërsat, që firmosin humbjen e dytë radhazi.
ÇELSI - Skuadra e Sarrit arrin një fitore të madhe kundër Kardifit, e udhëhequr nga njeriu më i mirë i skuadrës, Eden Hazard, dhe ruan hapin perfekt të Liverpulit në krye të klasifikimit. Pavarësisht se janë uellsianët ata që kalojnë të parët në avantazh me Bamban, Hazard i përgjigjet dy herë në pjesën e parë. Oksigjen i pastër për blutë e Londrës që administrojnë gjithçka në pjesën e dytë, duke shënuar përsëri me Hazard (11- metërshi kompletoi tregolëshin personal) dhe Uillian, i cili shënon golin më të bukur të ndeshjes me një të djathtë nga jashtë zone. Kjo është hera e tretë në historinë e kampionatit anglez (110 vite) që dy klube kanë fituar 5 javët e para: (1905-'06 dhe 1908-'09).
MAN. SITI - Gjithçka e lehtë për kampionët kundër Fulhamit, që zhbllokohen brenda dy minutave falë Sanesë. Një gol që e bën gjithçka më të ndërlikuar për miqtë, të paaftë për të ndaluar manovrën sulmuese të "qytetarëve", të cilët godasin vazhdimisht derisa gjejnë edhe golin e dytë me David Silvën (i 50- të në Premier Ligë në ndeshjen e 350-të). Në pjesën e dytë, tabloja nuk ndryshon. Më pak se dy minuta dhe tjetër gol i djemve të Guardiolës me "S" e tretë, Sterling ( goli i 200- të i Sitit me Pepin në stol). "Qytetarët" arrijnë suksesin e katërt në 5 javët e para.
ARSENALI - Pjesë e parë e
shëmtuar mes Njukasëllit dhe Arsenalit. Por "topçinjtë" ndërrojnë marshin pas pushimit dhe në më pak se 10 minuta Xhaka zhbllokon me një goditje dënimi spektakolare, e cila ndalet në trekëndësh: të katërt golat në Premier Ligë i ka shënuar nga jashtë zone. Ozil
dyfishon në ndeshjen e tij të 200-të me londinezët, gol që i lejon skuadrës së Emerisë të arrijë fitoren e tretë radhazi pas startit të vështirë të kampionatit. Goli i Klark në shtesë nuk mjafton për "qymyrxhinjtë": Një tjetër disfatë për skuadrën e Benitezit, e cila mbetet me vetëm
1 pikë në klasifikim. Më keq është vetëm Uest Hemi.
JUNAJTID - Vuan Junajtid, por në fund arrin të dërgojë në shtëpi një sukses të rëndësishëm. Dhe kështu rikthen ambiciet pas startit të vështirë të kampionatit. Një fitore simbolike në një prej
skuadrave më të mira të muajit të parë të Premier Ligës. "Djajve" u mjaftojnë goditjet standarde për të gjunjëzuar Uotfordin: Lukaku dhe Smolling përfitojnë nga pakujdesitë e mbrojtjes së Grasias në harkun e tri minutave në fundin e pjesës së parë. Deri në minutën e 65-të skuadra e Murinjos luan e qetë, moment kur Grej rihap ndeshjen. Por sforcoja finale e "Hornets", që kërkonin të ruanin hapin perfekt të Çelsit dhe Liverpulit nuk dha rezultat, edhe pse në 95' e detyruan De Gean të bëjë mrekullinë.