Ilir Daja: Gabuam nga stresi
" uhet përmirësuar ana psikologjike. Kur ollozhani vepron në presion, ka di#ka që nuk shkon"
Ilir Daja nuk e priste një humbje të tillë. Trajneri i Flamurtari nuk u kursye ndaj askujt dje, ndërsa theksoi se u bënë gabime elementare deri te marrja dhe pasimi i topit. Veç lënies së pikëve, numri një i pankinës së kuqezinjve për "SuperSport" tha se problemi më i madh, veç lënies së pikëve, do të jetë përmirësimi i gjendjes psikologjike të lojtarëve.
Çfarë nuk shkoi sot (dje) Daja, pasi u ndëshkuat në pikën tuaj më të fortë, mbrojtjen?
Për të bërë analizën e kësaj ndeshjeje, ka shumë pak gjëra. Përveç 15 minutave të fundit, kur kundërshtari mori të gjithë situatën në dorë, loja ishte e ashpër në mesfushë. Prishëm manovrën, pasi e dinim që Skënderbeu do luante me një "ekran" përpara dhe zonat më të mira për t'u marrë ishin linjën e qendrës dhe linjën anësore. Ajo që nuk shkoi sot ( dje), pa dashur të rëndoj lojtarët, pasi përgjegjësia mbi të gjitha është e trajnerit, lidhet me pasimin e topit. Por unë nuk dua që t'u mësoj se si ta marrin dhe të pasojnë topin. Po nuk e bëre edhe këtë, s'mund të bësh asgjë.
Çfarë duhet të përmirësojë skuadra në ndeshjen e radhës?
Komponenti që duhet përmirësuar është ana psikologjike, pasi edhe në Gjirokastër mbaruam pjesën e parë në avantazh dhe më pas mundohemi që të administrojmë, ndryshe nga ajo që bëjmë në stërvitje. Ndaj pres që fillimisht të vlerësojnë vlerat e tyre individuale dhe më pas t'i vendosin në shërbim të grupit.
U patë i zhgënjyer pas
pësimit të golit të parë...
E kisha më një individ të veçantë. Nuk më lejohet ta them. Të gjitha janë të punuara dhe nuk mundet që një lojtar me eksperiencë të ndryshojë vendosjen. Dhe nuk ka vend për rastësi, pasi sikundër e përmenda, i kemi të parapërgatitura të gjitha në stërvitje. Prandaj u ndjeva i mërzitur. Nuk mundet asnjëri që të dalë mbi disiplinën taktike në vendosje. Pikërisht kjo gjë bëri që të vinte edhe ajo çrregullsi në mbrojtje.
A ju bezdis fakti që ju mundi Skënderbeu në shtëpi
me Radasin, Vangjelin e Muzakën, lojtarë që janë në perëndim të karrierës?
Pikë së pari, ne duhet të përmirësojmë dhe duhet të kthejmë besimin te lojtarët dhe brenda këtij grupi ka cilësi. Ky është një refleksion edhe nga viti i kaluar. Në përballjet me Skënderbeun, Flamurtari ka pasur një bilanc negativ. Ramë në presion e mbingarkesës. Shkuam më shumë seç duhet në përgatitjen e nivelit optimal të përgjegjësisë dhe më pas ramë në stres. Disa lojtarë me përvojë kishim mangësi në gjërat më të
thjeshta. Duhet të përmirësojmë aspektin psikologjik.
Në futboll ka rëndësi edhe fati apo edhe një lojtar i veçantë. Pozicioni i Allës, ku luajtën Pollozhani dhe Veliu, ju ka sjellë 2 gola... Është shumë e rëndësishme mungesa e një lojtari?
Unë nuk e kam qejf lojën me topa të gjatë, e sidomos pa mbështetje të ekipit. Lojtarët kur nuk marrin shumë përgjegjësi, e kanë më të thjeshtë për të gabuar. Mungesa e Allës është e rëndësishme, por duhet shoqëruar me gjendjen jo të mirë fizike të Torasës, me Alvesh që akoma nuk është bërë pjesë organike e manovrës sonë dhe vepron i shkëputur nga grupi. Pra, të gjitha këto kanë rëndësi. Gjithsesi, çdo gjë e drejton sistemi nervor dhe varen nga ana psikologjike. Kur Pollozhani vepron nën presion, përtej eksperiencës së gjatë, këtu ka diçka që nuk shkon.
Mendoni se mund ta ndryshonit pak skuadrën?
Të gjitha ndërrimet ishin të detyruara, pasi doja të sakrifikoja në momentet e fundit për një sulmues, por në ato momente kërkoi ndërrim
edhe Pollozhani, si me Hysenin, dhe na la pak mundësi të ndryshonim manovër. Ajo që është punuar në stërvitje ka qenë gjithçka tjetër nga ajo që shfaqëm në fushë.
Muzakën dhe Radasin i keni dashur në Vlorë, ju vjen keq që nuk i keni te Flamurtari?
Përderisa flas për anën psikologjike të lojtarëve të mi, nuk do merrem me kundërshtarët. Do duhet të punojmë më shumë në të gjitha komponentët, që të rrisim cilësinë e për pasojë edhe rezultatin.