Spaleti: Ikardi lideri ynë, tani dimë ç'duhet të bëjmë

Interin e ringjall sërish Vesino. Kundër Totenhemit, si me Lacion në maj. Trajneri Luçiano Spaleti është shprehur i lumtur pas fitores spektakolare me përmbysje kundër anglezëve: "Ishte një fund entuziazmues, të shihje stadiumin që shpërthente pas golit të suksesit, më ngjalli emocione të forta. I bëra komplimentet skuadrës sepse, pavarësisht disavantazhit, qëndruan në sulm, zhvilluan një ndeshje të jashtëzakonshme. Kundër Parmës patëm thjesht një incident. Çfarë mund të përmirësojmë? E dimë çfarë duhet të bëjmë: diçka më shumë në rikuperimin e topit dhe rrezikshmërinë në zonë: nuk jemi ende efikas. Qëndrojmë shumë larg nga përgatitja e stërvitjes dhe mbi këtë është e nevojshme të këmbëngulim. Naingolan duhet ende të gjejë formën optimale dhe do na jetë në ndihmë kur të jetë në 100%". IKARDI VENDIMTAR - I detyrueshëm citimi për Ikardin, që vendosi baraspeshën e përkohshme me një goditje fantastike fluturimthi: "Mauro është në sintoni perfekte me shokët e skuadrës: kur sheh që të tjerët vendosen përpara portierit, ai shpesh tërhiqet, si për shembull në derbi. U lë të tjerëve ' luftën' dhe mendon se ku mund të shkojë topi, edhe pse sot (dje) Azamoah e gjeti vetë në mënyrë të përkryer. Mauro është lideri ynë. U zhbllokua, shënoi një gol spektakolar. Të gjithë, në krahun tjetër, zhvilluan një paraqitje pozitive, veçanërisht në grintën dhe vendosshmërinë e treguar kur po kalonim një momentet të vështirë".

SHKRINJAR PËR DUARTROKITJE - "Nuk jam dakord kur dëgjoj se Totenhemi meritoi më shumë deri në momentin e golit, - nënvizon trajneri. - Ndeshja e Shkrinjar? Më duhet ta duartrokas për mënyrën si ' anuloi' dy sprintierë pa vuajtur. Dhe ishte jashtë pozicioni...".