SpektakëlSpektakël i i Partizanit,Partizanit, likuidonlikuidon FlamurtarinFlamurtarin me supergolasupergola
"Thumbat" "Thumbat" e e Starovës: Starovës: Lojtarë Lojtarë të ardhur nga nga plazhi, plazhi, edhe edhe Rrogozhina Rrogozhina do luante luante më më mirë mirë Gega: E merituam, ja ja pse nuk merremi më me arbitrat arbitrat Torasa Torasa flaku flaku fane
Partizani më i mirë shfaqet në javën e pestë me një superndeshje ndaj Flamurtarit dhe fitore të pastër, 2-0. Mund të ishin shënuar edhe më tepër gola, në një takim ku do të ishte fatkeqësi nëse nuk menaxhohej si duhej rezultati pas asaj loje bindëse për 90 minuta. Të besuarit e Skënder Gegës kanë dominuar totalisht ndaj një Flamurtari që sapo ra në "usta" tregoi limitet e veta. Vlonjatët ishin thuajse inekzistentë në fazën sulmuese për minuta të tëra dhe u kujtuan se duhet të bëheshin agresivë vetëm kur u ndëshkuan. Ilir Dajës i del shumë punë me një grup lojtarësh që kanë emër, por po stonojnë nga java në javë. Alarmi u dha që në Gjirokastër, kur Flamurtari edhe pse fitoi, u dominua nga kundërshtari. Dy humbje radhazi ndaj Skënderbeut dhe Partizanit nuk janë tragjedi në një kampionat me 36 javë, por ama loja e Flamurtarit lë shumë për të dëshiruar. Një skuadër pa ide, e cila u zvogëlua shumë sa herë topin e kishin në këmbë Mala, Bardhi, Asani, Mensah etj. Jurgen Bardhi ka bërë dje ndoshta ndeshjen më të bukur të tij me fanellën e Partizanit, edhe pse nuk arriti të shënonte. Mënyra e shënimit të golave nga Mensah në pjesën e parë dhe Telushi kundër ish-skuadrës në limitin e takimit ishin spektakël më vete.
PJESA E PARË
Pa qendërsulmuesin Rubin Hebaj për shkak dëmtimi, trajneri Gega i kishte besuar majën e ofensivës ganezit Mensah, por here pas herë në rolin e pykës zhvendosej edhe Bardhi, ndërsa Asani sa në të majtë dhe në të djathtë të sulmit. Daja kishte menduar të aktivizonte Alvesh në rolin e një mesfushori qendre, ndërsa nga krahët afër Bushiç qëndronin Torasa dhe Beqaj. <ë në start të kuqtë vendosin diktatin, me Malën që jep iluzionin e golit. Më pas është Asani që i afrohet avantazhit, por Koliçi shpëton Flamurtarin. Mirëpo, rezultat "e treta e vërteta" për "demat", që shënojnë pas një aksioni model, ku meritë të madhe ka Bardhi, ndërsa Mensah finalizon në mënyrë të shkëlqyer. Flamurtari nuk del dot nga gjysmëfusha, duke pritur ndonjë "shpikje" individuale të Torasës dhe Alveshit. Bushiç është shumë larg portës dhe i markuar mjaft mirë. Partizani është sërish më ngacmues,
duke tentuar golin e dytë me Asanin, si dhe goditjet me kokë të Belicës e Atandës. Megjithatë, pjesa e parë mbyllet 1-0 falë golit të Mensah. PJESA E DYTË Flamurtari nuk bën ndryshime pas pushimit, ndërsa Partizani është i detyruar të
bëjë pa Atandën për shkak dëmtimi, teksa Gega hedh në fushë Gojkoviç. Vlonjatët bëhen më agresivë, por e kanë thuajse të pamundur të krijojnë një aksion me kombinime logjike për të shkuar te porta. Të kuqtë i afrohen golit të dytë me Hilën dhe është
Koliçi që mban në lojë Flamurtarin. Daja largon Kotobellin dhe fut Mustën, ndërsa më pas aktivizon edhe Mustafën, duke nxjerrë të Torasën. Asani ka mundësinë më të mirë për të çuar ndeshjen në 2-0 pas një keqkuptimi të Koliçit me Mustën, por nuk arrin të përfitojë.
Basha, ish-i i madh i ndeshjes, tenton të ndëshkojë të kuqtë, por Alban Hoxha i thotë "jo" golit. Kur pritej që gjithçka të mbyllej me rezultatin minimal, një goditje dënimi kthehet në gol për të kuqtë. Është një vlonjat si Telushi ai që vulos fitoren e Partizanit
dhe gjunjëzon Flamurtarin pas "predhës" me të djathtën nga 25 metra. Nuk ka më histori dhe të kuqtë festojnë me tifozët, duke marrë tri pikë shumë të rëndësishme në prag të derbit të kryeqytetit me Tiranën, që i gjen "demat" në formën më të mirë.