Koliçi: Po bëjmë dhurata, ja çfarë kërkon trajneri

Portieri i Flamurtarit, Enea Koliçi, ishte i vetmi nga kuqezinjtë që doli pas ndeshjes para mediave. Në bisedën për "Panorama Sport", ai theksoi se ndien keqardhje për mënyrën se si skuadra pëson golat. Pas humbjes me Skënderbeun vjen një tjetër ndaj Partizanit... Të them të drejtën, nuk e prisja këtë rezultat sepse ishim përgatitur shumë mirë për këtë ndeshje. Ajo që më shqetëson më shumë është se bëmë një pjesë të parë shumë të mirë dhe pastaj i dhuruam një gol kundërshtarit, ashtu siç bëmë në takimin me Skënderbeun. Tani duhet të shikojmë përpara dhe t'i lëmë këto dy humbje mbrapa, ku shpresojmë t'i rikuperojmë sa më shpejt pikët.

Pse duhet të vuajë kaq shumë ekipi për të dalë atje ku duhet? Nuk e di, për këtë mund t'ju përgjigjet trajneri. Gjithsesi, ne përpiqemi të bëjmë atë që na kërkon ai. Të luajmë futboll të bukur dhe të krijomë raste. Në këto dy ndeshje e kemi qarkulluar shumë topin, por nuk kemi arritur te finalizimi ashtu siç duhet. Daja po aktivizon lojtarë të rinj në ekip, mendoni se kanë mundësi të përballojnë këto ndeshje që kanë peshë në Superligë? Të gjithë këta lojtarë që janë pjesë e Flamurtarit besoj se mund ta përballojnë këtë ekip. Trajneri është një nga më të mirët e Superligës dhe kot nuk i aktivizon këta lojtarë. Ai ka besim se këta futbollistë mund të ndihmojnë ekipin dhe ndaj i aktivizon. Sa e vështirë do të jetë për të kaluar këtë ngërç rezultatesh?

Shpresoj ta kalojmë sa më shpejt, duke filluar nga ndeshjet e radhës. Jeni i kënaqur me performancën tuaj personale?

Nuk ka rëndësi performanca ime personale, ajo ka më shumë rëndësi është se duhet të kishim marrë pikë në këtë ndeshje. Individi në një ekip është i rëndësisë së dytë dhe jo i pari.

U patë shumë i nervozuar te goli i Telushit. Mos ndoshta e kishit me vendosjen jo të mirë të murit?

Shikoni, topi ka kërcyer dhe kjo ndikon jo pak. Gjithsesi, nuk mund të mohoj që ka qenë një goditje e mirë dhe meritë ka edhe Telushi.