Gjobitet Partizani, Kastrioti e pëson
Komisioni i Disiplinës nuk kursen Partizanin para derbit. Sjellja e gabuar ndaj Flamurtarit i kushton një gjobë prej 50 mijë lekësh klubit. Kastrioti e pëson me një ndeshje pa tifozë, prej hyrjes së një tifozi të paautorizuar në fushë. Gjoba dhe dënime ka edhe në inferiore.
Ja vendimet
1. FK "Partizani", për sjellje të gabuar të spektatorëve në ndeshjen kundër "Flamurtari" FC, dënohet me gjobë në masën 50.000 lekë.
2. KF "Kastrioti", për hyrjen e një personi të paautorizuar brenda pjesës së rrethuar të fushës së lojës, dënohet me zhvillimin e 1 ndeshjeje pa spektator në stadiumin përkatës.
3. Lojtari i KF "Vora", Florian Peqini, për dhunë ndaj lojtarit kundërshtar, dënohet me 5 ndeshje pezullim nga aktiviteti.
4. Lojtari i KF "Iliria", Emanuel Dulo, për dhunë ndaj lojtarit kundërshtar, dënohet me 5 ndeshje pezullim nga aktiviteti. 5. KF "Lushnja", për sjellje të gabuar të spektatorëve në ndeshje, dënohet me gjobë në masën 50.000 lekë. Në aplikim të nenit 136/1.a të KDS, gjoba paguhet në masën 50%.
6. KF "Egnatia", për sjellje të gabuar të spektatorëve në ndeshje, dënohet me gjobë në masën 50.000 Lekë. Në aplikim të nenit 136/1.a të KDS, gjoba paguhet në masën 50%.
7. Zyrtari i "Egnatias", Agron Aliu, për protesta ndaj vendimeve të zyrtarëve të ndeshjes, dënohet me 2 ndeshje pezullim nga aktiviteti. I ndalohet hyrja në dhomat e zhveshjes, qëndrimi në stolin e rezervave dhe territorit përreth fushës së lojës.
8. Zyrtari i "Juban Danja" femra, Ferdinand Janku, për protesta ndaj vendimeve të zyrtarëve të ndeshjes, dënohet me 2 ndeshje pezullim nga aktiviteti. I ndalohet hyrja në dhomat e zhveshjes, qëndrimi në stolin e rezervave dhe territorit përreth fushës së lojës.