Ngec Bajerni, Gëce merr hak
Kampionët e Gjermanisë ndalen në shtëpi pas katër fitoreve radhazi në Bundesligë
Duhet të ishte një ndeshje e lehtë, të paktën kështu dukej në letër ajo ndaj Augsburgut në "Allianz Arena". Bajerni ndalet pas katër fitoreve radhazi në fushën e tij ku nuk shkoi më shumë se një barazim 1-1 ndaj modestëve të Augsburgut. Edhe pse bavarezët dominuan gjatë gjithë takimit, sërish nuk arritën të merrnin tri pikët. Goli i Roben u bë i pavlefshëm pas atij të shënuar nga ish-lojtari Feliks Gëce që barazoi shifrat. Ndeshja përfundoi në shifrat 1-1 me kampionët e Gjermanisë që ndodhen sërish në krye të tabelës me 13 pikë. PJESA E PARË
Bajerni nis mirë takimin, duke krijuar menjëherë rastin e parë në portën e Augsburgut. Roben dhe Gnabri janë të rrezikshëm nga krahët, holandezi godet nga brenda zonës, por topi pritet pa vështirësi nga portieri mik. Skuadra mike mundohet të kundërpërgjigjet me anë të kundërsulmit, por mbrojtja e kampionëve të Gjermanisë është e vendosur në mënyrë perfekte, duke mos lejuar asnjë sulm të rrezikshëm. Vagner është i martuar gjatë gjithë kohës me 2 ose më shumë mbrojtës dhe trajneri Kovaç i kërkon skuadrës së tij të luajë nga krahët, duke shfrytëzuar shpejtësinë e sulmuesve. Gnabri ka një mundësi të mirë në minutën e 32-të, por topi i gjuajtur prej tij kalon ngjitur me shtyllën. Renato Sançez vetëm 5 minuta më pas gjuan saktë, por edhe këtë herë topi ndalohet nga portieri. Bajerni dominon, por goli ende nuk duket në horizont për ta. Pjesa e parë përfundon me rrjeta të paprekura. Bavareze shkojnë në dhomat e zhveshjes disi të zhgënjyer nga rastet e shpërdoruara.
PJESA E DYTË Bavarezët janë sërish më kërkues dhe në minutën e 48të Arjen Roben shënon golin e avantazhit pas një kundërsulmi të shpejtë të skuadrës vendëse. Holandezi nuk e ka të vështirë të shënojë pas një pasimi të dhënë nga Serge Gnabri në hyrje të zonës. Trajneri Kovaç bën dhe zëvendësimet e para, duke futur në fushë Riberinë, francezi është i freskët dhe bëhet i rrezikshëm në portën e Augsburgut
që duket se është i pafuqishëm përballë Bajernit. Në minutën e 50- të Renato Sançez mund të dyfishonte shifrat, por topi i goditur prej tij në zonë nuk përfundon në rrjetë. Në minutën e 84- të Frank Riberi gjen rrugën e rrjetës, por goli i tij anulohet për pozicion jashtë loje nga asistenti i Shtorkut. Vetëm 3 minuta më vonë vjen edhe goli që shumë pak e kishin menduar. Nga një goditje këndi topi shkon në zonë, aty ku Feliks Gëce, një ishlojtar i bavarezëve, shënon duke barazuar shifrat në 11. Bajerni hidhet i gjithi në sulm, por nuk arrin të gjejë golin e avantazhit. Tre minutat shtesë nuk sjellin asgjë dhe loja përfundon me rezultatin surprizë 1-1.