Hoxha: Më pëlqen ta fitoj derbin, shpresoj të dalë fjala e Mukës
Partizani/ Kapiteni: Tiranës po i shkon gjatë pa fitore
Kapiteni i Partizanit, në intervistën që dha për mediat pas ndeshjes, deklaroi se çelësi i suksesit të Partizanit në derbi është që e merr sfidën pa presion. “Gardiani” pohoi se Tirana e ka të vështirë ta përballojë këtë situatë dhe është i lumtur që pathyeshmëria shkoi në 14 ndeshje në derbi. Në fund Hoxha pohoi se shpreson që të dalë fjala e ish-kapitenit të Tiranës, Devi Muka, në intervistën e dhënë për “Panorama Sport” para ndeshjes. Gjithashtu, ai pranoi se për lojtarët që e kishin për herë të parë derbin ishte e vështirë, por i bëhet qejfi që fituan duelin e radhës me bardheblutë.
Sa ju gëzon kjo fitore?
Çdo fitore të gëzon, jo më sot kundër Tiranës që është akoma më e bukur, ishte nja atmosferë e bukur edhe me tifozëritë. E kishim marrë ndeshjen me qetësi, nuk e kishim presionin dhe këtë e kisha thënë më përpara dhe normalisht që të gjithë jemi shumë të lumtur. Pati një ulje të ritmit në pjesën e dytë të lojës, ishte një strategji e ndjekur nga trajneri?
Jo, nuk ishte strategji. Dihet që kur shënon, do të mbrosh dhe rezultatin, ndaj është e vështirë të dalësh para sepse mund të rrezikosh. Pra, vetë ekipi u kthye mbrapa për të mbrojtur rezultatin. Tani ia keni marrë dorën, u bënë 14...
Tani, mua më pëlqen të fitoj gjithmonë, e di që është e vështirë për
Tiranën. Nuk e mendonim që do shkonte kaq kohë pa fituar, megjithatë më bëhet qejfi që e fituam dhe këtë ndeshje. Ish-kapiteni i Tiranës ka thënë që kush fiton derbin e parë, do fitojë dhe tre të tjerë? Shpresoj që t’i dalë fjala Devit, ishallah ashtu qoftë. Sa e rëndësishme është kjo fitore e derbit për vazhdimësinë tuaj?
Çdo fitore është e rëndësishme, por kur është derbi në vazhdimësi ka më shumë moral. Ekipi krijon më shumë besim në vetvete, kështu që edhe loja bëhet më e rrjedhshme, prandaj kjo është shumë e rëndësishme.
Ishte e vështirë për ata lojtarë që luajtën për herë të parë?
Mendoj se ishte, ju e patë dhe vetë, nuk mund të shfaqnin 100 përqindëshin e tyre, presioni ishte i madh dhe ndaj them se ishte e vështirë. Ilir Cara