“Tregojmë cili është Interi”

"Dimë vlerën e sfidës, në fushë zbresim për 3 pikë, por s'bëj llogari"

Një tjetër etapë e rëndësishme, këtë herë në Ligën e Kampionëve. Interi i Luçiano Spaletit rikthehet në Europë dhe, në shtëpinë e PSV Eindhovenit, kërkon përgjigjet e radhës për të vijuar serinë e fitoreve të nisur në "San Siro" kundër Totenhemit. "Duhet të përgatitemi psikologjikisht, duke e ditur sa vlen, - ka nënvizuar trajneri zikaltër. - Do jetë një ndeshje e ndërlikuar. Nga fitoret e fundit kemi marrë një shtysë të madhe për personalitetin. Tani skuadra duhet të japë gjithçka: të tregojmë cili është Interi!"

HOLANDEZËT - PSV ka fituar 7 ndeshje nga 7 në kampionat, por humbi 4-0 në debutimin europian kundër Barcelonës. Një skuadër me dy fytyra? Spaleti ka komentuar: "Kanë shumë cilësi: janë të fortë fizikisht, veçanërisht për nga individualitetet. Duket dora e Van Bomelit, sepse skuadra pasqyron karakterin e tij si lojtar. Holanda shquhet për futboll. PSV ndoshta është penduar që i la hapësira Barcelonës, zakonisht holandezët luajnë hapur, mbështeten te forca fizike dhe shpejtësia e sulmuesve. Lojtarët tanë duhet të veprojnë e të reagojnë shpejt".

LLOGARI - Një fitore në Holandë do bënte me krahë zikaltrit, barazimi është megjithatë rezultat i rëndësishëm: "Por, unë llogaritë nuk i bëj kurrë, sepse humbet besimin e lojtarëve. Mendoj se mënyra më e mirë, megjithatë është të përpiqemi të fitojmë ndeshjen: ne zbresim në fushë gjithmonë për tri pikët. Taktikisht jemi të ndërtuar mirë, do luaj sërish me modulin 4-2-3-1 sepse, ndër të tjera, është i ngjashëm me mënyrën e lojës së holandezëve. Shkrinjar nuk do luajë në të djathtë si me Totenhemin, pasi D'Ambrozio është në formë".

Edhe Vrsaliko ka udhëtuar me skuadrën: "Madje, - ka komentuar Spaleti, - mund të përfshihet në listën e 18-shes".

POLITANO DJATHTAS - Gjatë skemave stërvitore përpara nisjes në 14:21 me destinacion Holandën, mëngjesin e djeshëm në "Appiano Gentile",

Luçiano Spaleti ka provuar Mateo Politanon në të djathtë të sulmit, duke lënë të kuptohet preferencën kundrejt Antonio Kandrevës. Trajneri zikaltër në konferencë shoi edhe dyshimet në prapavijë (do jetë me ajo me 4); asnjë dyshim në mesfushë: përpara

mbrojtjes do vendosen Brozoviç e Vesino; në sulm treshja Perisiç, Naingolan dhe pikërisht Politano do ndihmojnë kapitenin Mauro Ikardi, që me Kaljarin në ndeshjen e fundit në kampionat i la vendin Lautaros dhe, ndaj, i ka bateritë e karikuara.