Drama e Alijit: Pa ekip se qëndrova me babanë e sëmurë
"Nuk dua më ekip jashtë shtetit, qëndroj pranë familjes"
"Ai ka qenë në fushë me portierin e Ko mbëtares Jan Somer ose me yllin ndërkombëtar Mohamed Salah, duke luajtur në Champions dhe përballur në stadiumin mitik 'Santiago Bernabeu' Realin e madh me superyje si Garet Bejl, Ronaldo dhe Hamez. Dikur ai mbronte kundër Spanjës së Iskos dhe Diego Kostës. Naser Aliji konsiderohej një talent i madh në mbrojtjen e Bazelit", kjo është hyrja që ka bërë gazeta zvicerane "Blick. ch" në lidhje me mbrojtësin e Kombëtares shqiptare të futbollit, e cila më tej tregon edhe historinë e trishtë të futbollistit në lidhje me familjen e tij dhe shkëputjen nga futbolli i luajtur për një periudhë. HISTORIA
Më tej, historia e shqiptarit nga prestigjiozja zvicerane vijon: Në verën e vitit 2016, ai u katapultua drejt Bundesligës Dy te Kaizerslautern. Pas kësaj aventure, nuk keni dëgjuar shumë për mbrojtësin e Kombëtares shqiptare të futbollit, i cili gjithashtu zotëron edhe pasaportën e Zvicrës dhe të Maqedonisë.
VDEKJA E TË ATIT
Aliji është rikthyer në Zvicër në verën e këtij viti. Më së shumti, është stërvitur aty ku edhe ka hedhur hapat e parë në një fushë futbolli që kur ishte fëmijë. Në FC Baden, skuadra që tani është duke luftuar për ngjitjen në Liga 1 Klasik. "Po stërvitem këtu vetëm që të ruaj formën time", qartëson situatën mbrojtësi i majtë. Rikthimi i tij në Zvicër ka një arsye të trishtë. Babai i Alijit ka ndërruar jetë të dielën e shkuar. "Në verë isha i zhgënjyer pasi për një kohë të gjatë nuk kisha skuadër. Megjithatë, kam kuptuar se në jetë, çdo gjë e ka një kuptim dhe qëllim. Menjëherë kuptova se kjo gjë mund të më jepte mundësinë që të kaloja kohë me tim atë. Këto ishin muajt e tij të fundit, pasi ai vuante nga kanceri", tregon Aliji.
E ARDHMJA
Aktualisht, mbrojtësi i Kombëtares
është ende pa skuadër. "Kisha të tjera mendime në kokë". Herën e fundit ka qenë pjesë e Entelës në Serinë B italiane, e cila ra nga liga. Pas saj, kontrata skadoi: "Në të vërtetë doja që të qëndroja në Itali, por nuk u arrit për një sërë arsyesh". Tani,
24-vjeçari gjendet në Zvicër dhe është i lumtur për rikthimin. "Dua që të qëndroj pranë familjes dhe prandaj po jetoj në Zvicër. Një skuadër jashtë vendit për momentin nuk është në konsideratë për mua", ka vijuar futbollisti shqiptar. Naser
Aliji është futbollist i lirë dhe çdo skuadër e interesuar për të mund të negociojë lirisht. Aliji ka arritur kuotën e 50 ndeshjeve në Superligën zvicerane me Vaduz dhe Bazel e me shumë gjasë është një shifër që do të shtohet në vijim.