Polemika për biletat, Kukësi “luan” edhe rrogat me Partizanin
Ish-bomberi Dosti: Dosti: Asani Asani të të kopjojë kopjojë Mesin, Mesin, jo jo Ronaldon Ronaldon
Kukësi humbi ndaj Skënderbeut në Korçë me rezultatin 1-0, por kjo nuk do të thotë që verilindorët të mos kërkojnë rikthimin dhe fitoren në ndeshjen e radhës. Madje, trepikëshi ndaj Partizanit tashmë është kthyer në detyrim për Kukësin. Ndonëse i zhgënjyer nga humbja, pas ndeshjes presidenti Gjici theksoi se Kukësi nuk dorëzohet në luftën për titull. Ky mesazh u ka kaluar dhe drejtuesve të ekipit. Nga burime të sigurta në klub, gazeta mëson se presidenti Gjici ka urdhëruar drejtuesit se vetëm fitorja ndaj Partizanit fshin gabimet dhe humbjen ndaj Skënderbeut. Humbja ndaj korçarëve, si rival direkt në luftën për titull, ka zbritur me këmbë në tokë kuksianët. Gjatë këtij takimi janë vënë në dukje dhe mangësitë e ekipit, të cilat kreu i klubit ka kërkuar që ato të rregullohen urgjentisht, e të vihen në dukje me fitore ndaj Partizanit. Presidenti Gjici nuk e takoi ekipin mbas ndeshjes, por as ditën e djeshme, pasi ka qenë mjaft i mërzitur me ta. Humbja e ka mërzitur aq shumë kreun e klubit, saqë ai ka pezulluar përkohësisht rrogat. Nëse ekipi do fitonte ndaj Skënderbeut, ekipi do merrte rrogat e shtatorit, por tri pikët u humbën dhe rrogat u shtynë mbas ndeshjes ndaj Partizanit, gjithmonë
nëse arrijnë fitoren. Madje është shtyrë dhe analiza e ndeshjes ndaj Skënderbeut, e cila ishte planifikuar të bëhej dje, por është lënë për ditën e sotme.
Masat- Kreu i klubit ka kërkuar që stafi të jetë në gatishmëri të plotë të ekipit, në
kuadër të ndeshjes ndaj Partizanit. Nuk ka pasur një analizë për ndeshjen e humbur në Korçë, por kjo nuk do të thotë që trajneri dhe stafi teknik nuk iu kanë shprehur kritikat dhe vënë në dukje gabimet, që ekipi bëri ndaj Skënderbeut. Duke parë paraqitjen e dobët
të disa lojtarëve, pritet që 2-3 nga futbollistë që ishin titullarë në Korçë do të ulen në stol ndaj Partizanit. Kritika ka marrë dhe Rexhindaldo, loja e të cilit ka qenë mjaft e dobët ndaj Skënderbeut. Drejtuesit presin shumë nga sulmuesi mozambikas.