Partizani dhe Tirana nuk falin
Ekipit e kryeqytetin e nisin me sukses javën e parë të kampionatit
Kampionet e Partiza nit nuk falin në jav ën e parë dhe e nisin në mënyrën më të mirë kampionatin 2018- 2019 në volejboll për femra duke mposhtur pastër 3- 0 Skënderbeun. Në javën e parë regjistruan fitore edhe Tirana me Teutën të cilat triumfuan 3- 0 në tranfertë respektivisht ndaj Vllaznisë dhe Lushnjes. Ndeshja më e fortë e javës së parë ishte sfida ndërmjet Barletit dhe Mirditës e cila u zhvillua në pallatin e sportit "Asllan Rusi", sfidë e cila u fitua nga Barleti me rezultatin 3-2 pas një ndeshje shumë të luftuar. Skuadra mirditore, e rikthyer në Grupin A këtë vit, synon titullin këtë sezon ashtu sikurse Barleti dhe kjo përballje e konfirmoi këtë gjë. Mikeshat e nisin mirë ndeshjen, duke fituar setin e parë, por shpejt vjen reagimi i Barletit, që fiton dy sete radhazi, duke përmbysur shifrat e seteve 2- 1. Madje u duk sikur Barleti do ta fitonte këtë sfidë, por pas një loje maratonë, Mirdita fiton 30- 28 setin e katërt, duke barazuar 2- 2 shifrat. Emocionues e dramatik edhe seti final, fituar 15- 13 nga Barleti, që nuk zhgënjeu para fansve të tij, duke marrë 2 pikët e para në kampionat, ndërsa Mirdita kënaqet me vetëm 1 pikë. Partizani mori një fitore të thjeshtë ndaj Skënderbeut në "Asllan Rusi", ndeshje e dominuar në të trija setet nga skuadra kryeqytetase, që nuk vuajti shumë për të marrë 3 pikët e para. Një takim që zgjati vetëm 60 minuta e ku epërsia e volejbollisteve të "kuqe" ishte e madhe, madje setet ishin fotokopje të njëra- tjetrës. Diferencat në fushë mes të dyja skuadrave ishin të mëdha, çka u konfirmuan edhe nga shifrat e tri seteve,
FOTO: F.Hazizllari
të fituara me diferenca të mëdha nga Partizani. Pa probleme fiton edhe Teuta, që mundi 3- 0 Lushnjën, ndeshje e luajtur në Krutje e ku në fushë dominoi gjatë gjithë kohës skuadra durrsake. Vendaset tentuan të rivalizojnë disi në setin e dytë, por pa forcën e duhur, ndaj Teuta mori 3 pikë të lehtë në këtë debutim sezonal. 3- 0 fiton
edhe Tirana në Shkodër ndaj Vllaznisë, një ndeshje pa shumë histori, ku vajzat bardheblu komanduan në fushë përgjatë gjithë kohës. Ndeshja nisi disi me rivalitet, por gradualisht, nga seti në set, Vllaznia nisi të lëshojë në lojën e saj, duke ia bërë më të lehtë fitoren ekipit kryeqytetas.
Senad Nikshiqi/
Alban Alushi