Ronaldo-gol, Juvja bën 10 radhazi
jetër dominim i " onjës së jetër", Kristiano ngjitet në kuotën e 4 realizimeve
Ndeshje pas ndeshjeje dhe tashmë bëhen 8 fitore nga 8 në kampionat, plus dy në hampions... Udhëtimi "hollivudian" i Juventusit vazhdon edhe në Udine, ku fitojnë 2-0. "Zonja e Vjetër" vazhdon të shpërndajë lot për kundërshtarët, ndonëse kudo që ata shkelin, dinë që të ngrenë peshë ekonomikisht edhe qytetet dhe stadiumet e provincës. Pikërisht kështu, sepse dje ndodhi për herë të parë që stadiumi i Udinezes të mbushej në kapacitetin maksimal, por edhe hotelet, baret e restorantet ishin të mbipopulluara, pasi në orën 18:00 do të dilnin në aksion Kristiano Ronaldo me shokë dhe sigurisht që interesimi për të parë "bandën" e Alegrit ka qenë maksimal. Fatkeqësisht, në "Dacia Arena" mjaftojnë vetëm katër minuta, në të cilat Juventusi shënon dy gola dhe me kaq kënaqet për të arkivuar edhe transfertën friulane, ndonëse nëse nuk do të kishte qenë për portierin Skufet, sigurisht që shifrat mund të kishin qenë edhe më të gjera. Udineze provoi që t'i vërë stërkëmbëshin Juves, duke rreshtuar 9 lojtarë pas vijës së topit, me Behramin në mbrojtje në prapavijë dhe me një kundërsulmues si Lazanja, por që pak herë e pa dhe e shkeli zonën e bardhezinjve.
I PARI PËR BENTANKUR
Skuadra e Velazkezit pëson golin e parë nga një goditje këndi në favor dhe kjo ishte një shuplakë e fortë, pastaj lëvizjen decizive e bën Dibala, një lojtar i rigjetur, nëse kishte humbur realisht ndonjëherë... Pas topit të gjatë me dorë të Sheznit, argjentinasi fiton një duel fizik me Fofana në mesfushë, që për centimetra dhe muskuj ka tri herë më shumë se ai... Më pas nevojitet edhe krosimi fantastik i Kanselos nga e djathta që Bentankur të godasë nga pak centimetra në rrjetë dhe të gjejë golin e parë bardhezi. CR7 DHE NATËN E MIRË
Juventusi është thjesht një makinë "lufte", sepse nëse Manxukiç sheh një gol gjysmë të bërë që Skufet t'ia mohojë me një refleks prej jashtëtokësori, kroati ndez aksionin e golit të dytë duke fituar një duel fizik në zonë me dy mbrojtës dhe shërben për Ronaldon, i cili nga brenda zonës lëshon një të majtë të pakapshme nga pozicion diagonal. Për portugezin bëjnë 4 gola në 8 takime... Pjesa e dytë shërben vetëm për të shpallur portierin e Udinezes njeriun e ndeshjes, sepse ai vazhdon me pritjet e çmendura ndaj Bernardeskit e Ronaldos dhe në fund mund të mjaftojë edhe kaq. Juventusi është e vetmja që ecën me pikë
të plota pas 8 ndeshjesh kampionat dhe përpara e presin Xhenoa, Empoli e Kaljari, tri skuadra aspak të frikshme, në të cilat nëse "Zonja e Vjetër" merr pikë të plota do të bënte 11 radhazi, rekord jo vetëm italian, por edhe europian i të gjitha kohërave.