Valverde: Valencia e fortë, me Vidalin s’kam probleme
Ernesto Valverde kërkon që Barcelona të bëjë kujdes ndaj Valencias dhe të vazhdojë të luajë me të njëjtin ritëm si në Ligën e Kampionëve. Trajneri katalanas e pranon që dueli do të jetë i vështirë, por mohon të ketë probleme me Arturo Vidalin. “Nuk më ka thënë asgjë mua. Nuk e di nëse ka probleme për faktin që luajti pak ndaj Totenhemit”, tha Valverde. Valencia- “Është ekip me identitet dhe e ka nisur sezonin si vitin e kaluar. Për më tepër, është në Champions. Kjo ndeshje është një lloj klasikeje e futbollit spanjoll. Duhet të bëjmë kujdes kur ata zgjohen. Do të jetë një ndeshje shumë e vështirë dhe ka ngarkesë emocionale”.
Totenhemi- “Nuk ka ndryshuar asgjë nga fitorja në Londër. Plani vazhdon të jetë i njëjti. E dimë ambientin që do të gjejmë dhe forcën e rivalit. Kjo është një ndeshje kampionati dhe duhet të jemi të vëmendshëm”.
Suarez- “Është planifikuar që të stërvitet. E kemi në plane, por të shohim nëse do t’ia dalë
të rikuperohet plotësisht”. Sistemi i lojës- “Më pëlqen më shumë ai që më bën t’i fitoj ndeshjet. E di që disa njerëz i japin shumë rëndësi kësaj gjëje, por në fund luajmë gjithmonë njëlloj, pavarësisht vendosjes”. Mesi- “Unë e shoh njëlloj në të gjitha ndeshjet. Në Champions ritmi është ndryshe dhe ajo që
bëri në Londër ishte e jashtëzakonshme. Por Leon e shoh të motivuar.
Vidali- “Nuk e di çfarë vendosin lojtarët në rrjetet sociale, por mua nuk më ka thënë asgjë pse është i zemëruar. Nuk e di nëse është i mërzitur me ndeshjen apo ka pasur ndonjë problem tjetër të jashtëm”.