“Anfield Road” tabu për Sitin, Pep takon makthin

Stadiumi si fortesë, Klop e ka mundur më shumë

Dy të "fortët" e Premier Ligës do të për ballen sot me njëritjetrin. Do të tregojnë muskujt, teknikën dhe taktikën me synimin për të marrë 3 pikët dhe për të treguar qartazi objektivin që kanë për të fituar titullin kampion në Premier Ligë. Kush janë? Mançester Siti dhe Liverpuli. Të dyja ekipet udhëheqin kampionatin anglez me nga 19 pikë dhe nuk kanë njohur ende humbje. Vendtakimi? "Anfield Road", i cili pret në mënyrë spektakolare këtë duel të hekurt. Orari? 17: 30, në një pasdite që bëhet e bukur me këtë ndeshje. STATISTIKAT

* Liverpuli është i pamposhtur nga Mançester Siti në 17 ndeshje të luajtura në shtëpi në të gjitha kompeticionet: 12 fitore, 5 barazime.

* Humbja e fundit e të kuqve kundër Sitit në "Anfield" është në majin e vitit 2003, ku ndeshja përfundoi 1-2.

* Mançester Siti mund të humbasë për herë të katërt radhazi në një vit kalendarik kundër një rivali. Nëse ndodh është hera e katërt në histori pas Grimbsit në vitin 1936 dhe Totenhemit në vitin 1993.

* Liverpuli është i pamposhtur në 24 ndeshjet e fundit të Premier Ligës të luajtura në stadiumin e tij. Ecuria më e mirë në kampionat.

* Të kuqtë mund të fitojnë 5 ndeshje radhazi në shtëpi për herë të parë, pasi kishin fituar 6 radhazi në prillin e vitit 2014.

* Humbja e fundit e Sitit në 25 ndeshjet e fundit në transfertën e Premier Ligës është në

janar kur u mposht 4-3 pikërisht në "Anfield". Bilanci është 20 fitore, 4 barazime.

* Pep Guardiola ka humbur 7 ndeshje kundër Jyrgen Klopit, më shumë se kundër çdo trajneri tjetër në karrierën e tij.

* Trajneri i Sitit rrezikon të humbasë 3 ndeshje radhazi ( jashtë shtëpisë) kundër të njëjtit kundërshtar për herë të parë.

* Mohamed Salah ka shënuar 14 nga 16 golat e fundit në "Anfield", ndërsa ndaj Sitit ka arritur ta gjejë rrugën e rrjetës 3 herë në 3 ndeshje.